Albiste dira

Aske utzi dute Basaurin aldamio batetik erorita hil zen gizonaren heriotzarekin lotuta atxilotutako langilea

Obratan dagoen eraikin bateko bizilagun bat, 63 urteko gizonezkoa, aldamiotik erorita hil zen. Antza, aurrez eztabaida bat izan zuen langileetako batekin.

Ezbeharra izan zen lekua, Basaurin. Argazkia: EITB Media

EITB Media

2023/02/21 - 08:52

Azken eguneratzea

2023/02/21 - 09:08

Gizonezko bat atxilotu zuen Ertzaintzak atzo Basauriko eraikin batean izandako heriotzarekin lotuta. 63 urteko gizon bat hil zen, aldamio batetik erorita. Gaua polizia-etxean igaro ondoren, goizean aske utzi dute.

Eusko Jaurlaritzako Segurtasun Sailak jakitera eman duenez, Jacinto Benavente kalean izan zen ezbeharra, 09:45 inguruan, obratan dagoen eraikin batean. Hildakoa eraikin horretako bizilaguna zen, eta, antza, aurretik ere aldamiora igotakoa zen. Langileetako batekin eztabaida izan ondoren erori omen zen, eta bertan hil zen.

Ertzaintzak ikerketa hasi du gertatutakoa argitzeko.