Bilboko Elizbarrutiak 32 espediente ireki ditu adingabeei egindako sexu abusuengatik; bederatzi, 2022an
Eliza Katolikoan adin txikikoen aurka gertatutako sexu abusuen harira, Bilboko Elizbarrutiak 32 espediente zabaldu ditu 2019. urtetik, horietatik bederatzi, iaz. 32 espediente horietan 16 apaizaren eta ordena erlijiosoetako kideak (irakasleak, katekistak edota boluntarioak) jasotzen dira. 16 horietatik 14 identifikatuta daude, eta guztiak hilda daude.
Aztertutako kasu guztiak preskribatuta dauden arren, hiru kasu Fiskaltzaren esku utzi dituzte.
Bilboko Elizbarrutiak gaur goizean aurkeztu du adin txikikoen aurkako kasuen inguruan egin duen ikerketaren emaitza Bilbon, eta bertan hitz egin dute Carlos Olabarri batzordeko zuzendariak eta Gemma Escapa abokatuak.
Gutxienez, 50-55 biktima inguru lirateke. Gaurko aurkezpenean azaldu dutenez, ez da erraza jakitea zenbat biktima agertzen diren espediente bakoitzean. "Arruntena da espedientea bakoitzean biktima bat eta salatu bat egotea. Hori da normalena, baina ez da horrela kasu guztietan", gehitu du.
Eliza biktimekin harremanetan jarri da eta hiru eskari egin dituzte: errekonozimendua, halakorik berriro ez gertatzea eta Elizaren barkamena.
Elizbarrutiak aurkeztutako memorian leku berezia dute Bilboko Erruki etxeari eta Derioko seminarioari buruzko ikerketek. Lehenengo kasuan, 1961etik 1978ra bitarteko sexu abusuak jasotzen dira eta biktimek 10 eta 13 urte lituzkete. Derioko seminarioari dagokionez, 1953 eta 1970 urteen artean gertatu ziren sexu abusuen kasuak aztertu dituzte.
Carlos Olabarri, abusuen babeserako batzordeko zuzendariak barkamena eskatu du Elizaren izenean: "Bizkaiko Elizan egon diren abusuen aurrean kargua hartzen dugu, lotsa sentitzen dugu".
Halaber, esan du bi goiburu izan dituztela: batetik, biktimak lanaren erdian jartzea; bestetik, ez gorde, baina bai babestu.
Biktimak askoz ere gehiago direla jakinda, salaketa jartzeko deia egin die Carlos Olabarrik Elizaren barruan abusuak jasan dituzten pertsona guztiei.
Bestalde, Joseba Segura Bilboko gotzainak barkamen eskari publikoa egingo du martxoaren 24an (18:00etan) Bilboko katedralean.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.