Donostiaren saturazio turistikoa ukatu du Goiak, baina ostatu eskaintza kontrolatzeko beharra azpimarratu du
Donostian hotel eta etxebizitza turistiko berriak zabaltzeko baimenak urtebetez eteteko erabakia defendatu du gaur goizean Eneko Goia Donostiako alkateak. Horren esanetan, ostatu eskaintza hori kontrolatzeko eta arautzeko garaia iritsi da. Azaldu duenez, hiriak 2015ean zuen ostatu gabezia handiari erantzun behar izan dio, besteak beste, biltzarrak eta ekitaldiak antolatzeko oztopo handia zelako, baina azken urteetan nabarmen igo da plaza kopurua. "Erabakiaren helburua jarduera arautzea eta orekatzea da", argudiatu du.
Radio Euskadiko "Boulevard" saioari eskaini dion elkarrizketan, saturazio turistikoa dagoela ukatu du: "Donostiak ez du biztanleko ostatu ratio bereziki handia". Gaineratu duenez, hirian ostatu hartzen dutenen eta eguna pasatzera doazen bisitariak ezberdindu behar dira, eta azken horiek ere areagotu egin direla onartu du.
Hortaz, Donostiako Udalak hotelak eta erabilera turistikoko etxebizitzak irekitzeko baimenak emateari utziko dio lantzen ari diren Hiria Antolatzeko Plan Orokorra (HAPO) onartu bitartean. Aurretiazko onarpena egiteko urtebete epea du Udalak eta bi urtean Plan Orokorrean jasota egon beharko du.
Bestalde, Goiak ez du uste etxe turistikoak irekitzeko baimenak eteteak etxebizitzaren prezioa jaitsiko duenik. "Badira beste arrazoi batzuk Donostiako etxebizitzen prezioa altua izatea eragiten dutenak. Ez dut esaten eskaintza handia izateak eraginik ez duenik, baina kontuan hartuta etxebizitza parke osotik (90.000) 1.300 direla etxe turistikoak ez dut uste prezioa gehien baldintzatzen duen arrazoia hori denik", gaineratu du.
Zure interesekoa izan daiteke
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.