Itsas Salbamendu Humanitarioak salatu du Greziak Kiosko errefuxiatuen kanpalekutik irtetera behartu duela
Itsas Salbamendu Humanitarioa gobernuz kanpoko erakundeak (GKE) asteazken honetan salatu duenez, Greziak bertan behera utzi du GKEaren jarduera Kios uharteko errefuxiatuen kanpamentuan. Urteak zeramatzaten bertan osasun-arreta ematen. Bete ezinezkoak ziren izapide administratiboak ezarrita, klinika itxiarazi diete, eta une honetan Kiosen errefuxiatuak artatzeko elkarterik ez dela geratzen jakinarazi dute.
Viki Clarademunt proiektuaren koordinatzailearen hitzetan, abenduan jakinarazi zieten kanpalekua utzi behar zutela, baina erabakia apirilera arte atzeratzea lortu zuten. Hala ere, otsailean migrazio ministroak eremua lehenbailehen uzteko agindu zien. "Mehatxua aspalditik zetorren, baina ez genuen uste klinika desmuntatzeko bi egun eskas emango zigutenik", nabarmendu du.
Clarademuntek gogorarazi du Itsas Salbamendu Humanitarioak 2015ean hasi zuela proiektua uharteko kostaldeko erreskate talde gisa, eta Aylan umearen irudi latza ekarri du gogora. Hala, horren arabera, "garai hartan 3-4 ontzi iristen ziren egunero bertara, horietako asko Siriatik, Iraketik edo Afganistandik ihesi".
Edurne Ollaquindia eta Isa Eguiguren otsailean sartu ziren boluntario gisa azkenekoz kanpalekuan, eta bertako errefuxiatuek bizi duten egoera latza salatu dute biek. Horien aburuz, "Europak ez du lekukorik nahi", eta martxan jarri dituen politikek "pertsona errugabeen heriotza gehiago baino ez dituzte ekarriko"; izan ere, "oztopoak oztopo", gizon, emakume eta haur horiek Europara iristen ahaleginduko direla iragarri du.
Prentsaurrekoan, Ollaquindia erizainak GKEaren egungo egoera kritikatu du. "Amaitu berri dugu Aita Mariren bederatzigarren misioa, kriminalizatzen gaituzten eta erreskate-eremutik kanpo mantentzea besterik bilatzen ez duten Italiako immigrazioaren aurkako lege berriekin", gogorarazi du.
Ildo horretan, "nazioko eta nazioarteko legeak, itsas legeak eta giza eskubideen deklarazio unibertsala errespetatzeko" eskatu die Itsas Salbamendu Humanitarioak Europako gobernuei; besteak beste, migratzeko eskubidea, gobernuak itsasoan erreskatatzeko betebeharra, asilorako eskubidea eta Europaren bihotzean gertatzen ari den odoluste hori geldiarazteko bide legal eta seguruak sortzeko.
Albiste gehiago gizartea
Adimen artifizialak itzulpenaren mundua astindu du
Adimen artifizialak itzulpenaren mundua irauli eta ofizioa prekarizatu du. Gaur egun, kopia baten prezioan ordaintzen zaie itzultzaileei euren lana, ez sortzaileei bezala. Profesionalek uste dute teknologiak ez dituela pertsonak erabat ordezkatuko, baina lan egiteko modua aldatuko duela.
Zaintza arloko langileak zerbitzuen eredu publikoa eskatzeko mobilizatu dira Gasteizen
Mobilizazioa Gasteizko Bilbo plazatik abiatu da, "Kalitatezko euskal zaintza eredu baten bidean, publifikazioa!" lelopean.
"Sententziak zapore gazi-gozoa uzten digu"
Aitzol Asla Kabiezesko osasun-zentroko erizainaren biktimen abokatuak adierazi duenez, kaltetutako 400 adingabeen familiek ez dute epaiaren aurkako helegiterik aurkeztuko, baina iragarri dute Osakidetzari erantzukizunak eskatzen jarraituko dutela.
'Santa Maria' ontziaren erreplika Donostiara iritsi da
Ontzia urriaren 8tik 19ra bitartean bisitatu ahal izango da, 10:00etatik 19:30era. 200 tonako itsasontzia da, 28,30 metroko luzera, 7,96 metroko zabalera eta 3,49 metroko puntala dituena. Makila nagusiaren altuera ia 25 metrokoa da, flotazio-marratik goialderaino.
Bilboko metroaren energia, Bilbobusen elikagarri
Bilbobuseko autobus elektrikoak Bilboko metroaren energiaz baliatzen dira gauean kargatzeko. Bilboko metroaren potentzia Bilbobuseko kotxetegietara eramaten dute, hurbilen dagoen azpiestaziorainoko konexio baten bidez, eta energia 14 karga-puntutan banatzen da. Proeiktuari esker, orain arte, 426 tona CO2 aurreztu dira.
Dagoeneko 17 dira Bernedoko udalekuaren kontra aurkeztutako salaketak, Zupiriaren arabera
Segurtasun sailburuak azaldu duenez, gehienak exhibizionismo eta derrigortze delituekin lotutakoak dira, baina badago sexu-erasoekin zerikusia eduki lezakeen salaketaren bat.
Absolbitu egin dute Santurtzin 400 adingabe txertorik gabe utzi zituen erizaina, asaldura psikologikoa duela iritzita
Bizkaiko Auzitegiak zigorraren ordez segurtasun-neurriak ezarri dizkio: kanpoko tratamendu medikoa eta erizaintzan lan egitea debekatzea, eta 20.000 euroko kalte-ordaina ordaindu beharko dio Osakidetzari.
Istripua izan da A-8an, eta Max Center parean auto-ilarak eratu dira, Irunerako noranzkoan
Hainbat ibilgailuk talka egin dute A-8 autobideko 124. kilometroan (BI-10), Max Center parean. Ezkerreko erreia itxita dago eta auto-ilara luzeak daude Irunerako noranzkoan.
Lau hildako Madrilen, eraikin bat behera etorrita
Madrilgo erdigunean lau izarreko hotel egiteko zaharberritzen ari diren eraikin baten barruko forjatuan erori zen.
“Online bideojoko hauen diseinua baliatuz, pedofiloek haurrak hurbiltzea lortzen dute”
Pediatrek ohartarazi dute hainbat bideojoko haur eta nerabeentzako arriskutsuak direla; online jolastekoak, batik bat. Ezagunena Roblox da, munduan 380 milioi erabiltzaile baino gehiago baititu. Telmo Lazkano hezkuntza eta osasun digitalean adituak horrelako plataformek nola funtzionatzen duten kontatu du.