"Osasun publikoa defendatzeko" aldarria egin dute Iruñean
"Osasun publikoaren defentsan" manifestazioa egin dute larunbat honetan Iruñean, Osasunbideko intersindikala osatzen duten LAB, SAE, UGT, ELA eta CCOO sindikatuek eta Nafarroako Osasun Plataformak deituta. "Medikuak edo Foruzaingoa" bezalako kolektiboen aldeko "tratu desberdintasuna" salatu dute, azken horiek akordioak lortu baitituzte Nafarroako Gobernuarekin.
Arratsaldeko 17:30etan abiatu da martxa Golem zinemetatik, "aitzakia gutxiago eta profesional gehiago" eskatuz, Gaztelu Plazan amaitzeko.
Imanol Karrera LAB Nafarroako bozeramaileak manifestazioan zehar adierazi duenez, "osasungintza bidegurutze batean dago" eta, negozio gisa ikusten dutenei aurre egiteko, "herri eta auzoak aktibatu behar dira, eta osasungintza publikoaren alde borrokan jarraitu".
"Osasun intersindikala osatzen dugun sindikatuen eta zerbitzu publikoak eta kalitatezko osasuna defendatzen dituzten herritarren batasunaren gailurra da" manifestazioa, Begoña Ruiz greba batzordeko ordezkariak azaldu duenez. "Lan-baldintza duinen ondorioz, herritarrentzako arreta askoz hobea izango da, eta Gobernuak ahalegina egingo du sistema publikoa liderra izan dadin", gaineratu du.
Nafarroako Osasun Plataformak eskerrak eman zizkion asteazkenean egun horretarako deituta zeuden 38 elkarretaratzeetako batean parte hartutako pertsona orori. Gaurko mobilizazioari begira orduan adierazi zutenez, "osasun sistema publikoa hobetzearen aldeko eta pribatizazioaren aurkako apustu hau irabazi ezean, sistemako langileen eta herritar gehienen lan- eta bizi-baldintzak larriki hondatuko dira".
Iragan otsailaren 28an ere, erizaintzako eta fisioterapiako langileak atera ziren kalera, Satsek deituta. Era berean, sindikatuek beste greba egun bat deitu dute martxoaren 23rako, datorren ostegunerako, Osasunbidean.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.