156.000 euroko isuna ezarri diote Arrasateko gizon bati, iruzur eginez 89 pertsona etxean erroldatzeagatik
Arrasateko 70 urte inguruko gizon bati 156.000 euroko isuna jarri diote iruzur eginez 89 pertsona bere etxean erroldatzeagatik, Espainiako Barne Ministerioak zabaldutako informazioaren arabera. Gehienak atzerritarrak ziren.
Polizia Nazionalak zazpi pertsona atxilotu ditu erroldan iruzur egiteagatik. Dokumentuak faltsutzea eta Ogasun Publikoaren eta Gizarte Segurantzaren aurkako delituak leporatzen dizkiete guztiei. Gainera, zazpi espediente ireki dizkiete, eta 1.503 eurora arteko isunak jaso ditzakete.
Atxilotuetako batek errolda ziurtagiria baliatu zuen Lanbiden laguntzak eskatzeko, eta 29.459 euro jasotzea lortu zuen horrela.
Gainerako atxilotuak ere saiatu ziren bizileku baimenak edo osasun arreta bereziak lortzen. Horietako batzuk atzerrian bizi ziren eta EAEra mugitzen ziren osasun laguntza behar zutenean.
Poliziaren ikerketaren arabera, Arrasateko bizilagunak bere etxean erroldatutako 89 pertsonetatik gutxienez 38 ez ziren inoiz bertan bizi izan. Gainera, beste 20k onartu zuten 20 eta 300 euro artean ordaindu zituztela bertan erroldatzeagatik.
Zure interesekoa izan daiteke
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.
Lasaitasuna errepideetan irteera operazioaren lehen orduetan, goiz nahasiaren ostean
Asteburu honetan, auto ilarak izango dira EAEko errepide sareko ohiko lekuetan, Europatik datozen ibilgailu ugari penintsularen hegoaldera doazelako.
Albiste izango dira: Udako irteera operazioa, migrazio krisia Ceutan eta La Oreja de Van Gogh Donostian
Gaurkoan Orain-en albiste izango direnen laburpena, bi hitzetan.
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.