Bikote bat atxilotu dute Bilbon, prostituzioa egiten den etxe batean emakume bat atxikitzea egotzita
Bilboko Udaltzaingoak eta Ertzaintzak elkarlanean atxilotu dituzte gizon eta emakume bat, legearen aurkako atxiloketa-delitua leporatuta. Biak prostituzioa egiten den etxe bateko arduradunak ziren, eta biktima bere borondatez kontra bertan egotera behartu zuten.
Eusko Jaurlaritzako Segurtasun Sailak ohar batean azaldu duenez, emakume gazte batek jakitera eman die udaltzainei bikoteak bere borondatez kontra atxiki zuela prostituzioa egiten den etxe batean.
Biktimak agenteei adierazi zienez, joan den astelehenean adostu zuen etxean lan egiteko gela bat alokatzea eta irabaziak bertan bizi ziren pertsonekin partekatzea.
Baimendutako zerbitzu batzuk egin zituenean, astearte goizean emakumea etxetik ateratzen saiatu zen janaria erosteko asmoz, baina ezin izan zen irten, atea giltzaz itxita baitzegoen. Irteten uzteko behin eta berriz eskatu eta bikoteak ukatu ondoren, emakumeak adierazi zien Poliziari deitu ziola.
Egoera horren aurrean, emakumeak amore eman zezan eginahalak egin zituen bikoteak, Udaltzaingoarekin arazoak saihestu aldera. Agenteak iritsi zirenean, salatzailea etxetik atera ahal izan zen, eta gertatutakoaren berri eman zien.
Segituan udaltzainek Ertzaintzari gertaeraren berri eman zioten, ertzainak egin ziren eginbideen kargu eta etxearen bi arduradunak atxilotu zituzten legearen aurkako atxiloketa delitua leporatuta. Gaur goizean atxilotuak epailearen aurrera eraman dituzte.
Zure interesekoa izan daiteke
Gizon bat atxilotu dute Malagako etxebizitza batean bikotekide ohia hiltzea egotzita
Rincon de la Victoria udalerriko bizilagunek liskar bat izan dela ohartarazi dute 10:20 aldera. Agenteak bertaratu direnean, hilda topatu dute 60 urteko emakumea, indarkeria zantzuak zituela.
Familia eta lagun asko Urkiolara gerturatu dira, sasoiko lehen elurteaz gozatzeko asmoz
Eguzkiak giroa zertxobait berotu du, baina tenperatura baxuekin esnatu gara larunbat honetan ere. Inork ez du galdu nahi izan zuriz jantzitako paisaia ikusteko aukera.
Labrazako kontzejuak eta plataforma ekologistek Labrazako zentral eolikoa gelditzeko eskatu dute
Labrazako Kontzejuak eta Arabako Errioxa Bizirik, Arabako Mendiak Aske eta Araba Bizirik plataformek herrian aurreikusitako zentral eolikoaren proiektua berehala gelditzeko eskatu dute, EAEko Auzitegi Nagusiak proiektuaren aurka aurkeztutako errekurtsoak ebatzi arte. Gainera, Labrazan abenduaren 13an egingo den elkartasun jardunaldira gonbidatu dituzte herritarrak.
Aita santuak Cadizko gotzainaren dimisioa onartu du, sexu-abusuen ikerketaren berri zabaldu eta gutxira
Zornozak duela 15 hilabete aurkeztu zuen uko egitea, erretiro adina bete zuenean, baina orain jaso du erantzuna, pederastia akusazioa filtratu ostean.
Lekeition pisu turistiko bat okupatu zuen familiak etxea utzi du
Hiru egunerako alokatu ostean, hilabete eman dute bertan bizitzen, aterpea lortu duten arte. Jabeek salatu dute kalteak eragin dituztela.
Hilda aurkitu dute Urbiako zelaietan bilatzen ari ziren artzaina
EITBk jakin duenez, txakurrak berak markatu die erreskatatzaileei artzaina non zegoen. Gorpua elurpean zegoen.
Larunbat honetan ekin diete berriro Aizkorri mendian desagertutako artzaina bilatzeko lanei
77 urteko artzainaren txakurra eta artaldea ostiralean aurkitu zituzten, baina ez dago artzainaren arrastorik.
Basauriko eskola-menu batean zizare bat agertu dela salatu dute
Basozelai Gaztelu ikastetxeko Guraso Elkarteak eskola-jantokien eredu berri bat eskatu du, egungo menuak "kalitate eta kantitate eskasekoak" direla iritzita.
GazteChange ekimenak haurren eta nerabeen eskubideak babestearen garrantzia ikusaraziko du gaur arratsaldean Bilbon
Guggenheim Bilbao Museoko auditorioan egingo da topaketa honen zazpigarren edizioa, UNICEF Euskadiko Batzordeak eta Lagunarte elkarteak antolatuta, eta streaming bidez jarraitu ahal izango da eitb.eus-en.
Elurrak Sakana estali du eta zirkulazioa zailtzen du A-10 autobidean
Elurra goizean goiz hasi du Sakanan eta errepideak zuriz estali ditu. A-10 autobidea itxi behar izan dute, Iruñerako noranzkoan, istripua izan duen kamioi baten eraginez.