Udako beroa martxoan: tenperaturak 30 graduraino iritsi dira Euskal Herriko leku askotan
Sasoiari berez ez dagokion beroarekin amaituko da martxoa, 30 gradurainoko tenperaturekin. Euskalmetek jakinarazi duenez, gaur tenperatura maximoek gora egingo dute, berriro, eta giroak udako itxura hartuko du, batez ere iparraldean, hor izango baita hego-haizearen eragina nabarmenagoa. Kostaldeko zenbait lekutan tenperatura altuenak 30 gradu inguruan ibiliko dira.
Era berean, hego-haizea indartsu ibiliko da, bolada oso gogorrekin. Zerua ez da erabat garbi egongo, eta tarteka erdi mailako hodeiak eta goi-hodeiak agertuko dira.
Eusko Jaurlaritzako Segurtasun Sailak abisu horia ezarri du gaurko EAEn, bereziki Kantauri isurialdean, sute arriskuagatik.
Bihar, osteguna, tenperaturak ez dira hain altuak izango, baina halere epel egingo du: 20 eta 24 gradu artekoak izango dira maximoak kostaldean. Gainerako tokietan ere behera egingo dute termometroek. Hodei gehiago agertuko dira: barnealdean erdi mailako hodeiak eta goi-hodeiak izango dira nagusi, batez ere goizean. Barnealdean, berriz, hego-mendebaldeko haizea bizi ibiliko da, bolada zakarrekin.
Ostiralean hodeiak ugaritu egingo dira eta ipar isurialdean zerua tarteka oso hodeitsu geratuko da. Tarteka euri txikia egin dezake han-hemenka. Tenperatura altuenak ez dira 20 gradutik pasatuko.
Zure interesekoa izan daiteke
Bi atxilotu eta hiru ertzain zaurituta Gasteizen, Deportivo Alaves-Rayo Vallecano partidaren aurreko istiluetan
Segurtasun Sailak adierazi duenez, klubeko zale batzuk polizia-lerroa apurtzen saiatu dira, eta ke-poteak, bengalak eta beste objektu batzuk jaurti dizkiete agenteei. Kargatu egin dute ertzainek eta bi lagun atxilotu dituzte.
Ertzaintzaren jarrerarekin harrituta eta minduta agertu dira euskal ekintzaileak, aske geratu ostean
Gazara laguntza zeraman Global Sumud Flotillan parte hartzeagatik Israelek atxilotutako euskal ekintzaileen aurkako esku-hartzea salatu dute. Loiun bildutako lagun, senide eta jarraitzaileek gertatutakoa deitoratu, eta Gazara begira jarraitzeko eskatu dute.
Palestinan gertatzen ari dena gaitzetsi, eta Loiun ekintzaileekin gertatutakoa salatu dute Iruñean
Global Sumud Flotillako Arantxa Paniaguak adierazi duenez, Bilbon gertatutakoak ez ditu geldiaraziko, "are gehiago, aurrera jarraitzeko eta behar den guztietan nahikoa, nahikoa eta nahikoa dela esateko bultzada izango da".
Hondartzetan soroslerik gabe, surflariek dozenaka pertsona erreskatatu dituzte azken orduetan Zurriolan
Udako eguraldia dugun arren, ofizialki ez da hondartza denboraldia hasi eta, beraz, ez dago soroslerik hondartzetan. Gauza horrela, atzo Donostiako Zurriolan, egoera arriskutsuan zuden hainbat bainulari erreskatatu behar izan zituten surflariek. Eguraldi onak jarraituko duenez, "neurriak hartzeko" eskatzen diete erakundeei.
Tuteran eltxoen arazoak ez du etenik: iluntzean nabaritzen da gehien
Tuteran hiru egun daramatzate eltxo artean, eta iluntzean nabaritzen da gehien. Bero itogarria bat-batean iristeak eltxo izurritea ekarri du Erriberako hiriburura. Eltxoei aurre egiteko produktuak agortzen hasi dira Tuterako farmazietan.
"Sionistek modu posible guztietan torturatu gaituzte, eta iristean egin diguten lehenengo gauza gehiago jotzea izan da"
Luka Remiro Global Sumud Flotillako aktibistak malkoak begietan zituela salatu du larunbat honetan Loiuko aireportura iritsi direnean Ertzaintzak izan duen jokabidea. Ekintzaileetako batzuk sorbaldan zein saihetsetan hausturak zituztela iritsi direla nabarmendu, eta kolpeka hartu dituztela salatu du. Lau pertsona atxilotu ditu Ertzaintzak, bi ekintzaile tartean.
Kontrabandoko 9.000 tabako pakete baino gehiago zeramatzan ibilgailu bat atzeman dute Zubirin
Gidaria atxilotu egin dute kontrabando delitua leporatuta, tabakoaren fakturarik edo egiaztagiririk aurkeztu ez duelako.
Hainbat bidaiari artatu dituzte Ezkirotzen, matxura batengatik trena bat-batean gelditu ostean
Iruñea-Zaragoza trenbidearen katenarian izandako gorabehera elektriko baten ondorioz, hiru tren gelditu dira Ezkirotzen, Muru Artederretan eta Artederretan. Beroaren eraginez, larrialdi zerbitzuek bidaiariak artatu behar izan dituzte eta ura eman diete.
Emakume bat hil da Tafallan, auto batek harrapatuta
Istripua goizean gertatu da. Emakumea oso larri eraman dute ospitalera, eta ordu batzuk geroago hil da.
Gorenak errefusatu egin du etorkinen erregularizazioa kautelaz geldiaraztea
Espainiako Gobernuak "positibotzat" jo du milaka lagunen "oraina eta etorkizuna argitzen" duen erabaki hori. Dekretua onartuta apirilaren 16an abian jarri zen prozesua gelditzeko eskatu zuten bost erakundek.