3.500 lagun baino gehiago bildu dira Baionan, etxebizitza eskubidearen alde eta espekulazioaren aurka
3.500 pertsona inguru elkartu dira 15:00ak aldera gaur Baionan, etxebizitza eskubidearen alde eta espekulazioaren kontra deitutako manifestazioan. Euripean egin dute manifestazioa eta geldialdia egin dute amaieran, suprefekturaren aurrean. Alokairua arautzea eta etxebizitza sozialak sustatzeko neurriak hartzeko eskatu dute.
Etxebizitza eskubidearen gaia pil-pilean dago Ipar Euskal Herrian azken urteotan, gero eta zailagoa eta garestiagoa baita etxebizitza bat lortzea, Lapurdiko kostaldean, batez ere. 8.000 lagun bildu ziren 2021ean egindako lehen protesta erraldoian eta geroztik, hamaika ekimen izan dira arazo honen aurrean irtenbideren bat bilatzeko, etxebizitza turistikon prezioa mugatzea, esate baterako.
Gaurko protestaren deitzaileek salatu dutenez, "bost etxebizitzetatik bat bigarren etxebizitza" da eta horrek espekulazioa eta prezioen gorakada ekarri ditu. Maialen Errotabere eta Txomin Heguyk irakurri duten idatzian, "bigarren etxebizitzak, alokailu sozialeko etxebizitzak baino bi aldiz gehiago" direla ere nabarmendu dute.
Gauzak horrela, "Herrian bizi" leloarekin egin dute gaurko protesta, herritarrek bertan bizitzeko duten eskubidea aldarrikatu dute.
"Bigarren etxebizitzen biderkatzea dela eta, Ipar Euskal Herrian etxebizitza bat erosi nahi duten pertsonei dei bat luzatzen diegu: 2024eko urtarrilaren 1etik goiti, ez dugu gehiago onartuko lehen etxebizitzarako izan behar duen etxebizitza baten erostea bigarren etxebizitza bat bilakarazteko. Euskal Herrian bizi nahi dutenen kontrako eraso bezala kontsideratuko dugu", ohartarazi dute eta manifestu bat sinatzeko eskatu diete herritarrei.
Zure interesekoa izan daiteke
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.