Normaltasuna izan da nagusi euskal errepideetan Aste Santuko itzulera operazioan
Euskal Herriko eta inguruko errepideetan normaltasuna izan da nagusi gaurkoan. Ia ez da arazorik egon itzulera operazioan, pare bat puntutan izan ezik. Batetik, A-15ean, Berastegin (Gipuzkoa), 2,5 kilometroko auto-ilarak sortu dira arratsaldean, Iruñerako noranzkoan, Aste Santuko itzulera-operazioaren ondorioz. Ingurua obretan dago, eta, hori dela eta, noranzko bakoitzeko errei bat itxita dago. Bestetik, Kantabrian A-8an, Bilbora bideko erreietan, ilarak sortu dira tarteka.
Hainbat ezbehar egunean zehar
Zoritxarrez, bi lagun hil dira euskal errepideetan Pazko astelehen honetan.
Goizaldean, gizonezko bat hil da Bilbon, istripu batean. 02:00etan, Cadaguako korridorean, BI-636 errepidean, auto batek kontrola galdu du, bidetik irten eta irauli egin da. Gidaria bertan hil da, eta kopilotua, emakumezkoa, erietxera eraman dute zaurituta.
Arratsaldean, berriz, Frantziako motozale bat hil da Luzaiden (Nafarroa), NA-135 errepidetik atera eta, ondoren, zirkulazio seinale baten aurka talka eginda, errepide horretako 49,5 kilometroan.
Eguneko beste istripuetako bat Ermuan izan da, arratsaldean. Ibilgailu bat irauli egin da N-634 errepidean, Bilborako noranzkoan. Ondorioz, errepideak ordu erdi baino gehiago eman du itxita, ibilgailua erretiratu arte. Suhiltzaileek atera behar izan dute gidaria, harrapatuta gelditu delako, eta ospitalera eraman dute ondoren.
Gainera, Altubeko ordainlekua itxi behar izan dute kamioi artikulatu batek su hartu duelako. 16:30ean gertatu da, Altubeko ordainlekuan, Zuia udalerrian (Araba). Kamioi artikulatu batek su hartu du eta garrek ordainketa-kabina bat kiskali dute. Hori dela eta, bidea itxi eta Subillako irteeraraino desbideratu behar izan dute zirkulazioa. Azkenik, 18:30 aldera, berriro ireki dute ordainlekua, Gasteizko noranzkoan.
Albiste gehiago gizartea
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Bakioko udalekuetako gurasoak: "Enpresarekin harremanetan jartzen saiatu gara baina inork ez digu erantzuten"
Udalekura iritsi eta berehala, haurrek deitu zieten gurasoei haien bila joan zitezela eskatzeko. Gurasoen salatzen dutenez, Veranoaventura udalekuak antolatzen dituen enpresarekin harremanetan jartzen saiatu dira, baina inork ez die azalpenik eman. Erakundeei iruzurra argitzeko laguntza eskatzen diete.
Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.
Euskadin, hildakoen batez besteko adina 81,7 urtekoa da
2024an, guztira, 22.392 lagun hil ziren, aurreko urtean baino % 0,4 gehiago, Eustat Euskal Estatistika Erakundeak argitaratutako azken datuen arabera.
Fiskaltzak eginbideak abiatu ditu Murtziako Voxen presidentearen kontra, gorroto delituak egitea leporatuta
Fiskaltzak ohar bidez zehaztu duenez, Jose Angel Antelok Torre Pachecoko istiluak direla eta egindako adierazpen publikoak eta sare sozialetan argitaratutako testuak ikertuko ditu, delitu zantzurik ote dagoen argitzeko.
300.000 ikus-entzulek baino gehiagok egin dute bat ETBren sanferminetako entzierroen emanaldiekin
Goizero, batez beste, % 12,1eko ikusle-kuota lortu du ETB1ek. Autengo datua iazkoa halako lau izan da.