34 urteko gizonezko bat atxilotu dute Bilbon emakume bat eta Ertzaintzako agenteak mehatxatzeagatik
Ertzaintzak 34 urteko gizaseme bat atxilotu zuen atzo iluntzean Bilbon, emakume bati eta Ertzaintzako agenteei mehatxuak egiteagatik, eta ondoren, denda batean gotortzeagatik hainbat armarekin.
Segurtasun Sailak ohar batean jakinarazi duenez, gertakariak 18:30 aldera hasi ziren. Santutxu auzoan gizon bat segika eta heriotza mehatxuak eginez zuela eta, larrialdi zerbitzuetara deitu zuen emakume batek.
Inguruan zaintza lanak egiten zebilen patruila bat hurbildu zen, eta agenteak ikustean auzoko denda batera sartu zen gizona. Antza, bertan egiten zuen lan. Establezimenduaren barrualdetik, poliziak mehatxatu zituen hainbat arma erakutsita eta objektuak bota zituen kalera.
Egoera ikusita, Ertzaintzaren talde negoziatzaileak hartu behar izan zuen esku. Hainbat orduren ostean, 21:00etan, gizonak amore eman zuen eta kalera irten zen.
Agenteek berehala atxilotu zuten gizona, emakume bati mehatxuak egitearen eta agintaritzaren aurkako atentatuaren delituak egotzita. Denda barruan hainbat arma topatu zituen Ertzaintzak: bi labana, makina erradial bat, punta metalikoko bastoi bat, zizaila bat, beisboleko bate bat, matxete bat eta esku zerra bat.
Kontua da igande goiz horretan bertan atxilotu zutela gizona, indarkeria erabilita egindako lapurreta egotzita.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.