Pablo Ibarri ezarritako biziarteko kartzela zigorra berretsi du Floridako Apelazio Auzitegiak
Floridako Apelazio Auzitegiak berretsi egin du Pablo Ibar euskal jatorriko presoari beste epaitegi batek ezarritako biziarteko kartzela zigorra. Ibarren epaiketa ez zela justua izan argudiatuta, helegitea aurkeztu zuen defentsak, zigorra baliogabetu eta beste epaiketa bat egitea eskatzeko. Apelazio Auzitegiak, ordea, letratuaren argudioak baztertu ditu.
Hala jakinarazi du, ohar bidez, Andres Krakenberger Pablo Ibar-Epaiketa Justua elkarteko bozeramaileak. Horren esanetan, erabakia "kolpe latza" izan da familiarentzat. Argitu duenez, Ibarren abokatuak ebazpena aztertzen ari dira Auzitegi Gorenera jotzeko aukerarik ote dagoen ikusteko.
Krakenberger bera eta Joe Nascimento abokatua Euskal Herrian izan dira egunotan, eta biak ala biak "itxaropentsu" azaldu dira balizko baliogabetze baten aurrean.
Hiru pertsona hiltzea egotzita, heriotza zigorra ezarri zioten Ibarri 1994an, eta 16 urte igaro zituen heriotzaren korridorean, harik eta 2016an zigor hori baliogabetu zuten arte. Orduko hartan auzitegiak ebatzi zuenez, epaiketan aurkeztutako "frogak oso ahulak" izan ziren. 2019an egin zuten haren kontrako epaiketa berria, eta biziarteko kartzela zigorra ezarri zioten.
Pablo Ibar elkarteak salatu duenez, "Aretoak Joe Nascimento abokatuak emandako arrazoi guztiak errefusatu ditu, eta ez du, gainera, epaia justifikatzeko inolako argudiorik eman. Defentsak emandako arrazoietako bati bakarrik heldu dio, Denis Bailey epailearen partzialtasunaren ingurukoari". Ibar biziarteko espetxealdira zigortu zuen epaimahaikideetako batek presioak salatu zituen zigorraren alde bozka zezan. Epaileak kide hori kanporatu eta beste bat jarri zuen haren ordez.
Presoaren defentsaren arabera, Apelazio Auzitegiak gainerako arrazoiak aztertu ez izanak "kalte handia" egin die Auzitegi Gorenera jotzeko aukerei. Hala, gainerako gaien inguruko idatzizko ebazpena ematea eskatu dio epaileari, ondoren Gorenean helegitea aurkeztu ahal izateko.
Eusko Jaurlaritzak espero du Pablo Ibarren kasua nazioarteko justizia-estandarretan oinarrituta erabakitzea, haren eskubideak "erabat bermatuak" izan daitezen. Sare sozialen bidez, Eusko Jaurlaritzako Giza Eskubide, Biktima eta Aniztasuneko zuzendari Monika Hernandok "une gogor honetan" Ibar familiari babesa adierazi dio. Eusko Jaurlaritzak urteak daramatza familiari laguntzen, eta aste honetan bertan bere aitarekin eta abokatuarekin bildu da.
Zure interesekoa izan daiteke
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.