Osakidetzaren "desegitea eta pribatizazioa" salatu dituzte milaka herritarrek EAEko hiriburuetan
Osakidetzaren "hondatze larria eta desegitea" salatzeko milaka lagun atera dira kalera Bilbon eta Gasteizen larunbat goiz honetan, eta arratsaldean Donostian. Gainera, Gotzone Sagardui osasun sailburuaren dimisioa ere eskatu dute manifestariek, "osasun sistema publikoaren hondatzearen erantzulea" delakoan.
Osasun Publikoaren Aldeko Herri Plataformak deituta, 12:00etan manifestatu dira Bilbon eta Gasteizen, eta mobilizazioak jarraipena izan du arratsaldean Donostian, 17:00etatik aurrera, Boulevardetik abiatu duten martxarekin.
Sindikatu eta elkarte sozial anitzek babestu dute Bilboko manifestazioa, horien artean, Euskadiko Pentsiodunen Mugimenduak. Martxa 12:00etan hasi da, Jesusen Bihotz Plazan, eta Arriaga Antzoki parean bukatu.
Horren amaieran, antolatzaileek agiria irakurri dute, salatuz Etengabeko Arreta Guneen itxiera, osasun zentroen arreta ordutegien murrizketak, larrialdi zerbitzuak gainezka daudela, telefonoz hitzordua lotzeko itxaronaldiak eta arreta presentziala lotzeko zailtasunak, besteak beste.
Horrekin batera, Osakidetzaren beste hainbat arazo aipatu dituzte, hala nola, espezialistarekin hitzordua lortzeko itxaron-zerrendak, ebakuntzetarako itxaron-zerrendak eta lehen arretako osasun langileak ordezkatu ez izana.
Plataforma horretako bozeramailearen hitzetan, Osakidetzaren "murrizketa eta desegite progresiboaren helburua da osasun publikoa argaltzea pribatuaren mesedean, klinika, mutua, aseguru-etxe eta aholkulari pribatuen intereserako, alegia".
Pribatizazio eta murrizketa politika
Ohartarazi dutenez, "ez ditugu gezur gehiagorik onartuko, eta ez gara isilik geratuko Osakidetzaren hurrengo zatia enpresa pribatuei oparitzen dietela ikustean". "EAJri eta PSEri eskatzen diegu pribatizazio, desegite eta murrizketa politikak bertan behera uzteko, eta Gotzone Sagarduiren dimisioa ere, osasun sistema publikoaren hondatzearen erantzulea delako eta arazoak konpontzeko bere gaitasun eza adierazi duelako", ondorioztatu du plataformak.
Zentzu horretan, joan den astelehenean Eusko Legebiltzarrean aurkeztutako Osakidetzarako plan estrategikoa "edukiz hutsik dago, eta ez dauka larrialdi egoeratik irtetzeko neurrik zehatzik".
Donostia
Donostian ere milaka lagun batu dira Osasun Publikoaren Aldeko Herri Plataformak deitutako mobilizazioan. Gipuzkoako hiriburuan arratsaldean izan da manifestazioa, 17:00etan, Boulevardetik abiatuta.
Hamabost bat herri-plataformek babestu dute Donostiako hitzordua, baita sindikatu eta gizarte arloko zenbait elkartek ere. Guztiek Osakidetzaren "pixkanakako hondatzea" salatu dute, eta osasun sistema publikoaren 2023-2025erako plan estrategikoa errefusatu dute.
Osasun zerbitzu "publiko, unibertsal, erreala eta ez birtuala, doako eta kalitatezko" baten alde egin dute manifestariek. Hainbat pankarta izan dira ibilbidean zehar ikusgai, oro har Osakidetzaren "desegitea eta pribatizazioa" salatuz, eta Etengabeko Arreta Guneak 24 orduz irekita uzteko eskatu dute, besteak beste.
Bilboko protestan Miren Gorrotxategi Elkarrekin Podemoseko bozeramailea ere izan da, eta "osasuna babesteko eta interes pribatuari begiratzeari uzteko" eskatu dio Jaurlaritzari.
Bien bitartean, Osakidetzak azpikontratatutako garbitzaileen lan-gatazkak konpontzetik urrun jarraitzen du. Izan ere, gaur ez da aurrerapausorik izan negoziazio mahaiak Lan Harremanen Kontseiluan egin duen bileran. Testuinguru horretan, gehiengo sindikalak (LAB, UGT, CCOO eta ESK) hiru asteko greba deitu du datorren asteazkenetik aurrera.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.