Txertoa izango al da minbiziaren aurkako sendagaia etorkizunean?
Moderna farmazia-etxeak iragarri du 2030erako prest izango duela minbiziari aurre egiteko txerto bat, RNA mezulariaren (RNAm) teknika erabiliz. Oraingoz, baina, melanoma edo azaleko minbizia duten gaixoekin egin dituzte entseguak. Metodo horren eraginkortasuna, ordea, zalantzan jarri dute aditu eta mediku ugarik.
Larraitz Egaña Donostia Ospitaleko onkologoak eta Izaskun Zeberio hematologoak uste dute teknologia berri batean oinarritutako txerto honek aukerak ematen dituela etorkizunari begira, eta itxaropentsu begiratzen diote txertoari. Zehazki, txerto hori eta Keytruda (orain arte minbizi mota hori sendatzeko erabiltzen den sendagaia) nahasita, gaixotasuna % 44ra murriztea lortu dute. Hala, baikorrak dira, baina zuhurtzia eskatu dute gaixotasun hori duten pazienteei itxaropen faltsurik ez emateko.
Ez da prebentzio-txertoa, terapeutikoa baizik. Pertsona baten immunitate-sistemari ohartarazten dio gorputzean tumore bat hazten ari dela, eraso egin eta suntsitu dezan.
Zientifikoki azalduta, zelula osasuntsuetan ez dauden (eta erantzun immunitario bat eragiteko aukera gehiago dituzten) minbizi-zelulen gainazalean proteina zatiak identifikatzen dira, eta gero RNAm zatiak sortzen dira, organismoari nola fabrikatu adieraziko diotenak.
Minbizia da heriotza-kausa nagusia munduan, baina azken urteotan aurrerapen asko egin dira erradioterapiatik edo kimioterapiatik harago, metodo horiek oso erasokorrak baitira pazientearentzat.
Donostia Ospitalean, adibidez, urteak daramatzate minbizia duten gaixoentzako tratamendu askoz eramangarriagoak eskaintzen. Egañak eta Zeberiok nabarmendu dutenez, gaur egun askoz gehiago begiratzen zaie, alde batetik, gaixotasunaren beraren biologiari, ezaugarriei eta ugaltzeari edo proliferazioari, eta, bestetik, pazientearen sistema immunologikoa indartzeari. Immunoterapia, terapia zelularra edo odol-hodien aurkako botikak dira, besteak beste, egun erabiltzen diren tratamenduetako batzuk.
Zure interesekoa izan daiteke
Osakidetzak iaz baino % 11 txerto gehiago jarri ditu, eta gripearen aurka immunizatzeko deia egin du
75 urte baino gehiago edo gaixotasun kronikoren bat dutenek, nahi izanez gero, zita eskatu dezakete gripearen eta covidaren aurkako txertoa hartzeko.
Ikertu gisa deklaratu duen ertzainak ukatu egin du Amaya Zabarteri buruan ostikoa eman izana
Iazko martxoan, Realak eta PSGk jokatu zuten partidan ertzainek foam pilotak jaurti eta zauriak eragin omen zizkieten bi emakumeen salaketen instrukzioak beste pauso bat eman du gaur. Familiek behin eta berriro eskatu dituzten ertzainen deklarazioak hasi dira Donostian.
GOIDIaren biktimak: "Gure senideak ez zituen klimak hil, kudeaketa txarrak eta zientziarekiko errespetu faltak baizik"
GOIDIAren Biktimen Elkartearen presidenteak, Rosa Alvarezek, deitoratu egin du Kongresuko ikerketa-batzordeak kondenatzeko legezko baliorik ez izatea, eta, "garaipen soziala" dela esan duen arren, azpimarratu du oraindik pauso handi bat geratzen dela emateko: Mazon espetxera bidaltzea.
Ezkutatutako gailuak baliatuta gidabaimen-azterketan kopiatzen saiatu diren bi lagun harrapatu dituzte Bilbon
Agente batzuk ohartu ziren bi gizonek jarrera urduria eta antinaturala zutela, eta bularra ordenagailuaren pantailaren ondoan zutela azterketa egin bitartean.
Shein, AliExpress, Temu eta Wish jomugan, haur itxurako panpina sexualak saltzeagatik
Frantziako Gobernuak Shein plataforma debekatzearekin mehatxu egin du, panpina horiek merkatutik erretiratzen ez baditu. Online merkataritzako erraldoia, bere aldetik, Frantziako Justiziarekin kolaboratzeko prest agertu da, Parisko Fiskaltzak ikerketa abiatu ondoren.
Gizon batek bikotekidea hil du Zaragozan
Auzokideek Polizia Nazionalari deitu diote, bikotearen etxean liskar gogor bat izan dela jakinarazteko. Patruila bat bertaratu da, eta emakumearen gorpua aurkitu dute, labankadak dituela. Ustezko hiltzailea dagoeneko atxilotu dute.
Nortzuk dira Espainiako aberatsenen Forbesen zerrendan agertzen diren bost euskal herritarrak?
Daniel Mate donostiarra (Glencore) da euskal ordezkaritzaren buru Forbesen zerrendan. Ondoren, De Urrutia, Ybarra eta Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten indarrari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.