Txertoa izango al da minbiziaren aurkako sendagaia etorkizunean?
Moderna farmazia-etxeak iragarri du 2030erako prest izango duela minbiziari aurre egiteko txerto bat, RNA mezulariaren (RNAm) teknika erabiliz. Oraingoz, baina, melanoma edo azaleko minbizia duten gaixoekin egin dituzte entseguak. Metodo horren eraginkortasuna, ordea, zalantzan jarri dute aditu eta mediku ugarik.
Larraitz Egaña Donostia Ospitaleko onkologoak eta Izaskun Zeberio hematologoak uste dute teknologia berri batean oinarritutako txerto honek aukerak ematen dituela etorkizunari begira, eta itxaropentsu begiratzen diote txertoari. Zehazki, txerto hori eta Keytruda (orain arte minbizi mota hori sendatzeko erabiltzen den sendagaia) nahasita, gaixotasuna % 44ra murriztea lortu dute. Hala, baikorrak dira, baina zuhurtzia eskatu dute gaixotasun hori duten pazienteei itxaropen faltsurik ez emateko.
Ez da prebentzio-txertoa, terapeutikoa baizik. Pertsona baten immunitate-sistemari ohartarazten dio gorputzean tumore bat hazten ari dela, eraso egin eta suntsitu dezan.
Zientifikoki azalduta, zelula osasuntsuetan ez dauden (eta erantzun immunitario bat eragiteko aukera gehiago dituzten) minbizi-zelulen gainazalean proteina zatiak identifikatzen dira, eta gero RNAm zatiak sortzen dira, organismoari nola fabrikatu adieraziko diotenak.
Minbizia da heriotza-kausa nagusia munduan, baina azken urteotan aurrerapen asko egin dira erradioterapiatik edo kimioterapiatik harago, metodo horiek oso erasokorrak baitira pazientearentzat.
Donostia Ospitalean, adibidez, urteak daramatzate minbizia duten gaixoentzako tratamendu askoz eramangarriagoak eskaintzen. Egañak eta Zeberiok nabarmendu dutenez, gaur egun askoz gehiago begiratzen zaie, alde batetik, gaixotasunaren beraren biologiari, ezaugarriei eta ugaltzeari edo proliferazioari, eta, bestetik, pazientearen sistema immunologikoa indartzeari. Immunoterapia, terapia zelularra edo odol-hodien aurkako botikak dira, besteak beste, egun erabiltzen diren tratamenduetako batzuk.
Albiste gehiago gizartea
Pertsona bat hil da Donostiako apartamentu batean piztutako sutean
Beste bi pertsona ospitalera eraman behar izan dituzte kea arnasteagatik. Sua goizeko seiak aldera itzali dute.
Getxoko Areetako hondartzan aurkitutako lehergailua segurtasunez kendu dute Armadako urpekariek
Pertsona batek "objektu herdoildu bat" aurkitu du itsasertzean, 10:30ean, eta abisua eman du.
8 km-ko auto-ilarak A-8an, Muskiz parean, Kantabriarako noranzkoan, sei ibilgailuk elkar jo ostean
Istripua 17:45ean gertatu da, eta hiru erreietako bi itxi behar izan dituzte.
Karrantzako gazte bat atxilotu dute gasolindegietan 950 mila euroko iruzurra egiteagatik
Atxilotuak erregaia banatzen duen empresa bateko saltzaile gisa aukezten zuen bere burua eta prezio lehiakorrak eskaintzen zituen. Ikerketan zehar enpresa eta nortasun faltsuen sare bat aurkitu du Guardia Zibilak.
Oinezko bat hil da Biarritzen, auto batek harrapatuta
Gaur goizean hil da oinezkoa, Biarritzeko Beaurivage auzoan, auto batek harrapatuta.
Martxan da atun gorriak Getarian hazteko proiektuaren azken fasea
Getarian duela bi hilabete jarri zuten martxan atun gorrien haztegi bat itsasoan. Berrogeita hamar ale inguru sartu zituzten eta arrain urdina emanez gizentzen ari dira proiektu pilotu batean. Proiektuaren bideragarritasun ekonomikoa egiaztatzeko urrian kaioletatik aterako dituzte atunak.
Gizon bat atxilotu dute Donostian emakume bati sexu-erasoa egiteagatik
Biktimak atzo aurkeztu zuen salaketa Gipuzkoako hiriburuko polizia-etxean. Aitortu zuenez, sexu-erasoa egiteaz gain, gizonak zer egiten zuen eta norekin zegoen kontrolatzen zuela, eta bere lagunak ikustea debekatzen zion.
Gurutz Linazasoro neurologoak Alzheimerraren aurkako sendagai iraultzaile berrien iritsiera iragarri du
Gaixotasunaren jatorrian jarduten duten sendagaiak direla nabarmendu du, gaixotasunaren bilakaera "geldoagoa eta onberagoa" eragiten dutenak. Amerikako Estatu Batuetan eta Ingalaterran jada merkaturatzen dira.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.