Kazetaritza
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Larrialdi klimatikoa egoki lantzeko gida argitaratu dute kazetarientzat

Lau hizkuntzatan argitaratu dute (euskaraz, galegoz, katalanez eta espainieraz), eta mota guztietako komunikabideetan ingurumenaren inguruan egon ohi den espezializazio faltari aurre egiteko gakoak aurki daitezke bertan.
orain-default-image
orain-default-image

EITB Media

Azken eguneratzea

Ingurumen Informazioko Kazetarien Elkarteak Klima-aldaketari buruzko elkarrizketen gida argitaratu du. Bertan, ingurumenaren inguruko albisteak hainbat informazio-euskarritan (irratia, telebista, prentsa konbentzionala eta online komunikazioa) komunikatzen laguntzeko erreferentziak eta ardatz tematikoak eskaintzen dira. Lau hizkuntzatan argitaratu dute: euskaraz, katalanez, galegoz eta gaztelaniaz.

Bertan, zenbait fenomeno naturalen inguruko atalak eskaintzen dira, eta GKE ekologista nagusiei eta mugimendu sozialei buruzko datuak bildu dituzte. Jardunbide egokien dekalogoa ere jasotzen du, eta elkarrizketak egiterakoan kontuan izan beharreko zenbait gomendio eta aholku ematen ditu. Luis Guijarro koordinatzailearen arabera, erronka handia izan da "hainbeste informazio baliagarriri forma ematea".

Proiektu honen bidez, ingurumenarekin lotutako elkarrizketak bultzatu nahi dituzte, kultur, kirol edo tokiko albisteak jasotzen dituzten ataletan presentzia izan dezaten.

Ana Carlosek, gidaren prentsa ataleko arduradunak, uste du asmo handiko apustua dela hedabideek dituzten gabeziak (berriemaileen espezializazio falta, esaterako) murrizteko. Horren esanetan, horrek guztiak eragiten du klima-aldaketaren inguruko albisteak azalean geratzea, arazo horretan behar bezala sakondu gabe.

Gizartea Klima Aldaketa Euskara Eguneko Titularrak Kazetaritza Larrialdi Klimatikoa

Zure interesekoa izan daiteke

Gehiago ikusi
Publizitatea
X