Espetxeetan suizidioak prebenitzeko planak ikastaroak eta ordainsariak aurreikusten ditu babes-presoentzat
Eusko Jaurlaritzak berrikusi egin du espetxeetan suizidioak prebenitzeko programa, otsailean eta martxoan Arabako eta Gipuzkoako kartzeletan bi preso hilik agertu eta gero.
Hori horrela, EITBk jakin duenez, protokolo berriak aurreikusten du hainbat sektoretako profesional gehiagok parte hartzea prebentzio programetan, eta arriskuan dauden presoen jarraipena espetxetik atera eta gero ere egitea.
Programak "babes-presoak" jarri ditu suizidioen aurkako borrokaren erdigunean, hau da, ziegan bere buruaz beste egiteko arriskua duten presoekin batera daudenak.
Horren ildotik, espetxeek prestakuntza ikastaroak eskainiko dizkiete konfiantzazko preso horiei, hainbat gaitasun har ditzaten, hala nola "arrisku faktoreak atzeman ahal izatea, entzute aktiboa egiteko teknikak, depresioei buruzko oinarrizko ezagutzak eta lehen sorospenak".
Era berean, preso horiek "ordainsariak" jasoko dituzte, uste baitute horien lana oso baliagarria dela hezten eta gizartzen laguntzeko.
"Prestakuntza oso garrantzitsua da; babes-presoak jakin behar du nola jokatu eta nori eskatu laguntza", esan du Jaime Tapia epaile eta Eusko Jaurlaritzaren espetxe gaietarako aholkulariak. Ordainsariei dagokienez, Tapiak adierazi du presoek "lan bat" egiten dutela, eta, horrenbestez, trukean sari bat jasoko dutela.
Suizidioaren une eta faktore kritikoak
Bestalde, prebentzio planak suizidioaren profil, faktore eta une kritikoenak ere zehaztu ditu.
Edorta Elizagarate Zabala Osakidetzako psikiatra eta Zaballako Buruko Osasuneko koordinatzailearen esanetan, arrisku faktoreak dira "tratu txarrak jaso izana, bakardadea, droga eta alkohol kontsumoa, buruko gaitzak, depresioa...".
Halaber, adituaren arabera, espetxean sartzeko unea arriskutsua da, "presoaren gizarte sarea apurtu berri baita", baina "aske geratu ondorengo uneak ere bai".
Suizidio tasa gizartean baino 7,5 aldiz handiagoa da behin-behineko espetxealdian dauden presoen artean, eta 6 aldiz handiagoa kondena betetzen ari diren presoen artean.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.