Penintsulara bidaiatzeko migratzaileei dokumentazio faltsua saltzen zien talde kriminal bat desegin dute
Egoera administratibo irregularrean zeuden adingabe migratzaileei Kanarietatik penintsulara bidaiatzeko dokumentazio faltsua saltzen zion talde kriminal bat desegin du Guardia Zibilak, "Sortie 23" izeneko operazioaren baitan. Talde horrek lortutako mozkinak 100.000 euro baino gehiagokoak dira.
Guztira, zazpi pertsona atxilotu dituzte: bost Murtzian, bat Valentzian eta beste bat Huelvan. Talde kriminaleko kidea izatea, atzerriko herritarren eskubideen aurkako delitua egitea, dokumentuak faltsutzea eta etxea uztera adingabeak bultzatzera egotzi diete atxilotuei.
Kanarietara pateratan heldutako migratzaileen egoera ahulaz baliatuta, dokumentazio faltsua eskaintzen zieten, diru kopuru handi baten truke, Espainiako eta Europako hainbat puntura, Italiara bereziki, bidaiatu ahal izateko.
Ikertzaileek hiru etxebizitza miatu dituzte, eta dokumentazio eta pasaporte ugari, dirua eta hainbat telefono mugikor, besteak beste, atzeman dituzte.
Magrebetik Kanarietara pateratan heldutako migratzaileak, adingabeak batez ere, hartzen zituen talde kriminalak. Dokumentazio faltsua eta bidaiatzeko azpiegitura guztia prestatzen zituen bitartean, leku batean biltzen zituen migratzaileak. Behin dokumentazioa prest izanda, Kanarietako aireportuetara eramaten zituzten adingabeak, eta gehienetan haiekin bidaiatzen zuten, dokumentazioaren itzulera bermatzeko.
Talde horrek Marokoko eta Europar Batasuneko beste Estatuetako sare kriminalekin zituen loturak, eta euren zerbitzuak eskaintzen zituen pateran bidaiatzeko Marokotik Kanarietara. Gainera, Espainian dagoeneko zeuden migratzaileen egoera legeztatzeko izapideak ere eskaintzen zituzten, iruzurrezko metodoen bidez.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.