Marokorekin lortutako akordioari esker migratzaileen iritsiera nabarmen murriztu dela adierazi du Sanchezek
Espainiako Gobernuak Marokokoarekin daukan harremanean irekitako "etapa berria" tarteko, paperik gabeko migratzaileen iritsiera nabarmen murriztu dela azpimarratu du Pedro Sanchezek.
Diputatuen Kongresuan Espainiako gobernuburuak azaldu duenez, urteko lehen hiruhilekoan Ceuta eta Melillara eta Kanarietara iritsitako migratzaileen kopurua % 78 eta % 63 jaitsi da, hurrenez hurren. Tarte berean, Grezian eta Italian, berriz, % 95 eta % 300 egin du gora.
Pedro Sanchezek agerraldia egin du gaur Diputatuen Kongresuan, besteak beste, Espainiak Marokorekin daukan harremanari buruz erantzuteko.
Kongresuko talde politikoek Marokoren aurrean otzanegi jokatzea leporatu diote Espainiako Gobernuari. Aitor Esteban EAJk Kongresuan duen bozeramaileak migrazio oldeak gutxitzea "Sahara saltzearen truke" izan dela egotzi dio Sanchezi.
EH Bilduko bozeramaileak ere kritikatu du Espainiak Marokorekiko duen jarrera, Saharako herria bazterrean utzi duela egotzi baitio Jon Iñarrituk gobernuburuari.
Cuca Gamarra PPko idazkari nagusiak Sanchezi gogorarazi dio Espainiako Parlamentuak Sahararekiko jarrera aldaketa arbuiatu zuela. Halaber, El Confidencial egunkariak gaur zabaldutako informazioari jarraituz, Arancha Gonzalez Laya orduko Atzerri ministroa Marokok eskatuta kargutik kendu zuen galdetu dio presidenteari.
Polisarioaren erantzuna
Bestalde, Sahararen inguruan izandako jarrera aldaketari buruzko azalpenik eman ez izana eta atzera egin ez izana aurpegiratu dio Sanchezi Fronte Polisarioak, eta Kongresuan gainerako indar politikoek sahararren autodeterminazio eskubideari aho batez emandako babesa eskertu du.
Abdula Arabi Polisarioak Espainian duen ordezkariak ohar batan bidez azpimarratu duenez, "Pedro Sanchez ez da gai izan Behe Ganberari eta, oro har, gizarteari azaltzeko zergatik aldatu den Espainiak Mendebaldeko Sahararen inguruan duen jarrera historikoa".
Bestalde, Gobernuak eta PSOEk "nazioarteko zuzenbidearen aurkako jarrera" hartu dutela salatu du, "Saharako herriak autodeterminaziorako eta independentziarako duen eskubide legitimoa urratuta".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.