AEBn berehalako kanporatzeak baimentzen zituen araua bertan behera geratu da gauerdian
Texasen (Ameriketako Estatu Batuak, AEB) 00:00 zirenean, bertan behera geratu da 42. Titulua, Trumpen garaian eta pandemiaren aitzakian, migratzaileak berehala kanporatzea ahalbidetzen zuen araua.
2020ko martxoan indarrean sartu zenetik, 2,5 milioi migratzaile kanporatu dituzte, inongo izapiderik egin gabe. Giza eskubideen aldeko erakundeek gogor kritikatu dute neurria, eta demokraten artean desadostasunak zeuden arren, Bidenen gobernuak eutsi egin dio, gaur arte.
42. Titulua bertan behera utzita, AEBn historikoki egon den araua (8. Titulua) sartu da indarrean, eta migratzaileak kanporatzeko izapide prozesua jarraitu beharko du Administrazioak. Dena dela, Joe Bidenek beste neurri batzuk onartu ditu asilo eskaerak murrizteko asmoz. Hala, AEBn sartu nahi duen edonork hitzordua eskatu beharko du, eta ezarritako baldintzak bete (herrialde jakin batzuetako migratzaileei bakarrik aitortuko diete asilo eskubidea). Ukatuko balitzaio, ezingo luke bost urtean berriz eskatu. Legez kanpo sartzen saiatzen direnentzat, berriz, isunak eta zigorrak daude aurreikusita.
Araua bertan behera geratu ostean AEBn sartzea errazagoa izango dela sinistuta, milaka lagun zain egon dira Mexikoko mugako herrietan.
Bidenek berak onartu duenez, datozen egunak "kaotikoak" izango dira, eta 1.500 militar bidali ditu hegoaldeko mugara muga babesteko. Horiek bertan zeuden beste 2.500 soldaduei batuko zaizkie. Egunero 10.000 atxiloketa egitea aurreikusi dute.
Mexikoko mugako hirietako harrera zentroak gainezka daude. AEBn, El Paso hirian (Texas), 4.500 ohe gehigarri atondu dituzte mugako kontrola gainditzen duten errefuxiatuak hartzeko.
"Gauerditik aurrera, legezko bideak erabiltzen ez dituzten herritarrek ez dute asiloa eskatzeko eskubiderik izango. Giza baliabideak ditugu jende horri guztiari sarbidea galarazteko", adierazi du ohar bidez Alejandro Mayorkas AEBko Segurtasun Nazionalerako idazkariak.
"Ez sinistu pertsona-trafikatzaileen gezurrak. Muga ez dago zabalik", ohartarazi du.
Zure interesekoa izan daiteke
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.