Melgosak Vinicius kasuaren "pasio bera" eskatu du egunero erasoak jasaten dituzten pertsonak defendatzeko
Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak Vinicius kasuan izaten ari den "grina bera" eskatu du "kalean, metroan, tranbian edo aisialdi guneetan egunero erasoak jasaten dituzten azal kolore desberdineko milaka neska, mutil, gizon eta emakumeak defendatzeko".
Melgosa Afrika Egunean izan da larunbat honetan, Bilboko Itsas Museoko zelaigunean. Ehunka pertsonak parte hartu dute bertan, tartean Xabier Legarreta Eusko Jaurlaritzako Migrazio eta Asilo zuzendariak eta Itziar Urtasun Bilboko Udaleko Lankidetza, Bizikidetza eta Jaietako zinegotziak.
Ospakizun hori dela eta, sailburuak nabarmendu du Euskadik "aniztasunaren aldeko apustua" egiten duela, eta "diskurtso arrazista eta xenofobo interesatuen" aurrean. "Mundu guztia ongi etorria da Euskadira, askotariko gizartea gizarte aberatsa baita. Hala berresten dute ikerketek: hiri aurreratuenak aniztasuna hobekien kudeatzen dutenak dira", azpimarratu du.
Ospakizunak
Iragan maiatzaren 21etik, Afrika Eguna ospatzeko hainbat ekitaldi egiten ari da Euskadiko afrikar komunitatea. Besteak beste, futbol torneoa, hitzaldiak, emanaldiak, erakusketak eta kontzertuak antolatu dituzte Ghanak, Togo-Euskadik, Senegalek, Ekuatore Gineak, Marokok, Angola-Kongok, Malik eta EGBA futbolak.
Danbor hotsek eman diote hasiera larunbat honetako jardunaldiari. Jarraian, manifestu bat irakurri eta mahai inguru bat egin dute, emakume migratzaileak bi kontinenteetan berdintasunaren aldeko borrokan duen paperari buruz. DJ batek girotu ditu ekitaldiok, eta artisau azoka eta erakusketa ezberdinak ere eskaini dituzte.
Iñaki Williams futbolariak ere parte hartu du jardunaldian, eta harro agertu da parte hartze horrengatik, bere sustraietatik "gertuago" sentiarazten baitu. "Uste dut afrikar guztiok ohartu behar garela gure arbasoen borrokak izan zuen garrantziaz, lortutako aurrerapen sozioekonomiko guztiak aldarrikatzearekin batera", nabarmendu du.
Xabier Legarreta Eusko Jaurlaritzako Migrazio eta Asilo zuzendariak gaineratu duenez, "mundura zabalik dagoen herri bat gara", baina, era berean, "ezin dugu ahaztu arrazismoa eta xenofobia hor daudela, eta ezin dugu inondik inora ere onartu aste honetakoa bezalako erasorik".
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.