OCUk "malgutasuna" eskatu die Hauteskunde Batzordeei mahaietako kideek aurkez ditzaketen helegiteen aurrean
Hauteskunde Orokorrak uda betean, uztailaren 23an, izango direla eta, OCU kontsumitzaileen eta erabiltzaileen elkarteak "malgutasuna eta ulermena" eskatu dizkie Hauteskunde Batzordeei mahaietako ordezkariek aurkez ditzaketen helegiteak aztertzeko orduan. Hartara, bidaiak bertan behera uzteko "erreklamazio oldea" saihestuko litzateke, elkartearen iritziz; izan ere, OCUk azpimarratu duenez, oporrak "bereziki garrantzitsua den familia hitzordua" dira, "atzeraezinak", eta bertan behera geratuz gero, "ondorio ekonomiko inportanteak" izan ditzakete.
Araudiaren arabera, hauteskunde-mahaietako kide izendatutakoek hutsegitea justifika dezakete behar bezala arrazoituta eta dokumentatuta. Berez, hiru zio onartzen dituzte: arrazoi pertsonalak, familiarrak edota profesionalak. Hortaz, zerrenda horretan ez da ageri oporretarako hegaldiak edo ostatu erreserbak hartuta izatearekin lotutako kasurik. Halakorik duenak alegazioa aurkeztu behar du, zazpi eguneko epean, Eskualdeko Hauteskunde Batzordearen aurrean, eta organo horrek hartu beharko du erabakia. Mahai bateko kide izateko deitu eta euren burua aurkezten ez dutenek hiru hilabete eta urtebete arteko kartzela-zigorra edo 6-24 hilabeteko isuna jaso dezakete.
OCUk ohar batean azpimarratu duenez, Hauteskunde Batzordeak alegazioa atzera botako balu, oporrak inongo kosturik gabe bertan behera uzteko eskubidea du kontsumitzaileak, mahaian egotea legezko betebeharra, ustekabekoa eta aurreikusiezina delako. Halaber, ez da beharrezkoa izango bidaia-aseguru bat edukitzea, arrazoia ezinbestekoa delako.
Salbuespeneko egoera hori mahaian egotea egokitzen zaion pertsonari zein bere familiako gainerako kideei aplikatuko zaie.
Bidaia-agentziei, hegazkin-konpainiei, hotelei eta sektoreko gainerako enpresei ere zuzendu zaie OCU, eta "egoera berezia kontuan hartzeko" eskatu die, kontratatutako bidaien kostua itzultzeko edota bestelako erraztasunak emateko orduan.
Zure interesekoa izan daiteke
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.