TOP14 errugbiko "festa handia" dela eta, egitarau zabala antolatu dute Donostian
Donostiako Udalak, Realak, Gipuzkoako Foru Aldundiak, Eusko Jaurlaritzak eta Euskadiko Errugbi Federazioak egitarau zabala prestatu dute ostiral eta larunbat honetarako, Gipuzkoako hiriburuan TOP14 errugbiaren "festa handia" dela eta.
Frantziako errugbiko lau talde onenetako 80.000 zale baino gehiagok (ostiralean Tolouse-Racing 92 eta larunbatean Stade Rochelais-Bourdeaux Begles) Donostia hartuko dute asteburu honetan, hirian 15 milioi euroko inpaktu ekonomikoarekin. Beste kalkulu batzuen arabera, zenbateko hori 25 milioi eurora ere irits daiteke fokua Gipuzkoako gainerako eskualdeetara eta inguruko beste lurralde batzuetara zabalduz gero, hotelak eta ostatuak beteko direlako.
Zaleen bi kontzentrazio-gune nagusiak Anoetako Reale Arena estadioaren hegoaldean jarriko den Fan Zone eta Sagueseko zabalgunean Village du TOP14 izango dira.
Realarekin elkarlanean, estadioaren hegoaldeko zabalgunean musika emanaldiak eta janari eta edariaren salmenta guneak izango dira, ostiral zein larunbatean.
Fan Zone
Ostiralean, Fan Zone irekiko da 17:00etan, partida hasi baino ordu erdi lehenago arte, eta ondoren irekiko da berriro, 02:00ak arte.
Larunbatean, berriz, jarduerak 11:00etan hasiko dira partida hasi baino ordu erdi lehenago, eta ondoren 19:00etan zabalduko da berriro, gauerdira arte.
Basque Beer Festival
Saguesen, Bera Bera Rugby Taldeak Basque Beer Festival jaialdia antolatuko du, gaur 18:00etan hasita. Asteazken eta ostegunean 00:00ak arte egongo da zabalik karpa, eta ostiral eta larunbatean, berriz, 11:00etatik 00:00ak arte.
Errugbian trebatzen hasteko
Gainera, ostiral eta larunbatean animazioak, errugbian trebatzen hasteko tailerrak eta 14 eta 16 urtez azpiko partidak egingo dira Zurriolako hondartzan.
Jai Alai Music & Drinks
Jaietako jarduerekin batera, larunbat goizean Anoetako kirol-hiriak beste bi kirol-ekitaldi hartuko ditu. 11:00etan, Carmelo Balda frontoian, Jai Alai Music & Drinks zesta punta jaialdia ospatuko da, Jai Alivek antolatua.
Euskarians-Katalunia
Halaber, 12:00etatik aurrera Anoetako Miniestadioan Euskarians eta Kataluniako selekzioaren arteko errugbi partida jokatuko da, Euskadiko Errugbi Federazioak antolatuta. Partida ikusteko aldez aurretik doako gonbidapena hartu beharko da federazioak Fan Zone inguruan jarriko duen karpan.
Hiriko beste toki batzuetan, Katalunia plazan, Artzain Onaren inguruan, Easo plazan edo Pio XII.a plazan, Herri Kirolen erakustaldiak, euskal gozoki tradizionalen azoka, bertsolariak, trikitilariak eta txarangak izango dira.
Albiste gehiago gizartea
Bilboko Fika kaleko homizidioan inplikatutako hirugarren pertsona bat atxilotu dute
Ertzaintzak hiru pertsona atxilotu ditu dagoeneko igandean Bilbon izandako krimenarekin lotuta. Azken atxilotuak 28 urte ditu, eta bere borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.
Gizon batatxilotu dute Gasteizen, denda bateko langileari genitalak ukitzea leporatuta
Antza denez, susmagarria langilearengana hurbildu zen, produktuak apaletan jartzen ari zenean, eta genitalak ukitu zizkion.
Aburtok bizilagunen laguntza eskatu du Bilboko hilketaren egileak atxilotzeko
Igandean Solokoetxe auzoan 21 urteko gizon bat labankadaz hil zutela eta, atzoko eguna "oso gogorra" izan zela onartu du Bilboko alkateak. Halaber, hilketaren egileak aurkitzeko Ertzaintzarekin kolaboratzeko dei egin die bizilagunei.
Ertzaintzak identifikatu ditu jada Bilbon 21 urteko gizon bat hil zuten hiru lagunak
Identifikatu ostean, bilatzeko lanean ari dira. Erasoa igande goizean gertatu zen, Bilboko Solokoetxe auzoan. Biktimak arma zuriz egindako zauria zuen bularrean, eta Gurutzetako Ospitalean hil zen.