Euskararen aldeko taupada sentiaraziko du gaur Sorionekuak egitasmoak Iruñean
Sorionekuak euskararen aldeko dinamika herritarrak festa erraldoi batekin ospatuko du euskararen etorkizuna, gaur ekainaren 10ean, Iruñean. Euskararen aldeko taupada indartsu bat sentitzeko asmoarekin, festa giroan, Nafarroa euskararen lurraldea dela erakutsiko dute, "Irulegiko eskuaren aurkikuntzak erakutsi digun bezala".
Horretarako, Nafarroa osoko herritar, herri, eremu eta eragile guztiei jai horretan parte hartzeko deia egin diete, nork bere ekarpena egin dezan, tokian tokiko jaiak, berezitasunak eta kultur egitasmoak Iruñera eramanda; dela zapi edo mozorro batekin, dela txaranga batekin edo bakoitzak nahieran.
Sorionekuak egitasmoak manifestua aurkeztu du ekimen garrantzitsu horri begira, eta hauxe dio hitzez hitz: "Erabil dezagun sorioneku bihurtu gaituen 2.000 urteko eskua etorkizunari ongietorria emateko. …Gurekin batera urrats hori emateko prest zaudeten eragile sozial eta politiko orori dei egiten dizuegu, dinamikarekin bat egin dezazuen, eta euskararen aldeko bidea batera egin dezagun…".
Joan den urtarrilean aurkeztutako manifestuak Nafarroa osoko askotariko herritarren atxikimendua jaso du, baita gaurko egunerako deiak ere. Egitarauari dagokionez, haur, gazte nahiz helduentzako jarduerak antolatu dituzte egun honetarako; dantza ikuskizunak, erraldoiak eta musika emanaldiak, besteak beste. Eguneko ekitaldi nagusia, baina, arratsaldean Antoniutti parketik abiatuta egingo duten euskararen aldeko manifestazioa izango da, 17:30etik aurrera.
Deitzaileek azaldu dutenez, mobilizazioan euskararen aldeko pauso bat aurrera eman nahi dute. Ildo horretan, hurrengoa esan dute: "Gurekin batera urrats hori emateko prest zaudeten eragile sozial eta politiko orori deia egiten dizuegu, dinamikarekin bat egin dezazuen eta euskararen aldeko bidea batera egin dezagun".
Azpimarratu dute gaur egungoa "herritarren garaia" dela, are, "euskararen garaia da, Nafarroaren garaia da". Horri jarraika, uste dute urrats bat aurrera egiteko garaia dela, "eta horretara goaz. Euskara nafar guztiona da, denona".
Albiste gehiago gizartea
Salamancako boluntario bat hil da eta bost dira jada baso-suteen ondorioz Espainian hildakoak
Antza denez, boluntario gisa parte hartu zuen Ciperez (Salamanca) herrian piztutako sutea itzaltzeko lanetan, eta kea arnasteagatik ospitaleratu eta egun batzuetara hil da. Gaztela eta Leongo Juntak, berriz, oharra kaleratu du heriotza horrek suteekin inolako loturarik ez duela esanez.
Itzulera operazioak auto-ilara luzeak eragin ditu ostiralean mugan
AP-8 autobidean 11 kilometrorainoko auto-ilarak izan dira ostiral arratsaldean Irunen, Biriatuko mugatik aurrera. Irungo Udaltzaingoak AP-8aren Oinaurreko irteera itxi du, hirigunean kolapsoa saihesteko; izan ere, Frantziarantz doazen ibilgailuek bide alternatibo hori erabiltzen dute askotan auto-ilarak saihesteko.
PACMAk elkarretaratzea egin du Bilbon tauromakiaren aurka
Dozenaka pertsona bildu dira gaur arratsaldean Bilboko Vista Alegre zezen-plazaren aurrean, Aste Nagusian antolatutako zezenketen aurka. PACMAk "tratu txarrik eta heriotzarik gabeko jai herrikoiak" egitearen aldeko apustua egin du, "kultura eta tradizioa animalien sufrimendurik gabe ospa daitezen".
Erasoen aurkako protokoloaren bigarren fasea aktibatu dute Bilboko Konpartsek
Lapiko jotzea egingo dute txosnetan ostiraletik larunbaterako gauean, eta larunbatean, abuztuak 23, giza kate batean parte hartzeko deia egin dute.
Irungo haztegi batek zaintza zerbitzua eskaintzen du bonsaientzat
Lana, oporrak edo osasun arrazoiak direla eta, gero eta gehiago dira zerbitzu hau erabiltzen dutenak. "Goi-denboraldian, abuztuan batez ere, haztegia ia beteta dugu", adierazi du Javier Lumbreras Irun Bonsaiko arduradunetako batek.
Arrantza-ontzi bat identifikatu dute Donostian legez kanpoko bazterkinak uretara botatzegatik
Guardia Zibilak Laredoko itsasontzi bati egotzi dio Monpaseko uretan 700 kilo boga isurtzea, Eguzki talde ekologistak salaketa jarri ostean.
Pedro Sanchezek Presidenteen Konferentziara eramango du suteen gaia, eta ministerio arteko batzorde bat sortuko du
Eusko Jaurlaritzak dituen egoitzetara bidean dira Gasteizko kaleetan bizi ziren maliarrak
Gasteizko kaleetan bizi ziren 50 maliarretako dozena bat inguru Eusko Jaurlaritzaren egoitzetara eramaten ari dira gaur goizetik. Horrela, aldi baterako irtenbidea eman nahi diete asilo-eskaerak izapidetzeko zain dauden pertsona horiei.
Suteek 600 milioi eurotik gorako kalteak eragin dituzte, Nekazari eta Abeltzain Erakundeen Koordinakundearen arabera
Javier Fatas COAG Nekazari eta Abeltzain Erakundeen Koordinakundeko ordezkariaren arabera, "hondamendi egoera" da Estatuko hainbat tokitan, 350.000 hektarea baino gehiago erre baitira, bereziki mendebaldean. Kaltetutako eremuen artean, laborantza, abeltzaintza edo baso aprobetxamendurako lurrak daudela azpimarratu du.
Calin erail duten gasteiztarraren gurasoak gaur iritsiko dira Kolonbiara
Ikerketak zabalik jarraitzen du eta lapurretarena da hipotesi nagusia.