Urkulluk eskualdeen "erabateko parte-hartzea" eskatu du Arku Atlantikoa bultzatu eta Europan eragiteko
Iñigo Urkullu lehendakariak etorkizuneko makroeskualdearen gobernantzan "erabateko parte-hartzea" eskatu die Arku Atlantikoa osatzen duten eskualdeei, Europako agendan "gure interes komunen alde" lan egiteko.
Gainera, formalki eskatu dio Espainiako Gobernuko presidenteari Atlantikoko makroeskualdea sortzea lehentasun gisa sar dadila uztailaren 1ean hasiko den EBko Kontseiluaren Espainiaren Presidentetzaren Agendan.
Astearte honetan, Portugal, Galizia, Asturias, Kantabria, Burgos, Nafarroa, Euskadi eta Akitania Berriko Iparraldeko Merkataritza Ganberen bilera egin dute Bilbon, eta "Arku Atlantikoko Merkataritza Ganberen Adierazpena" sinatu dute bertan. Bilera amaitu ondotik, Jose Ignacio Zudaire Ganberako presidenteak dokumentua eman dio Iñigo Urkullu lehendakari eta Arku Atlantikoaren Batzordeko presidenteari.
Adierazpenean, ganberen arteko eta erakundeen arteko lankidetza-mekanismoak indartzeko konpromisoa jaso da, eta lehentasunezko erronkak ezarri dira, "aurrera egiten jarraitu ahal izateko", Urkulluren esanetan.
Erronken artean, hauek nabarmentzen dira: hezkuntza-sektorearen, ikerketa-zentroen, klusterren eta industrien arteko lankidetza sustatuko duen ekonomia atlantiko berritzaile eta jasangarri baten espezializazioa; korridore atlantikoa amaitzeko garraioaren plangintzaren ikuspegi bateratua indartuko duen eremu atlantiko interkonektatu bat; iraunkortasunean aurrera egiteko alderdiak eta makroeskualdearen egunerokoan eragingo duten eragile sozioekonomiko guztien lankidetza.
Agerraldian, Iñigo Urkullu lehendakari eta Arku Atlantikoaren Batzordeko presidenteak esan duenez, gaur egungo testuinguruan "Ardatz Atlantikoak asko du jokoan", eta kezka agertu du "Europako fokua ekialderantz biratzen ari delako". Hala, "jokoz kanpo geratzeko arriskua" dutela nabarmendu ondoren, Ardatz Atlantikoa osatzen duten eskualdeei dei egin die "elkarrekin eta auzolanean" lan egiteko erronka ekonomiko eta sozialei aurre egiteko, eta baita ingurumenarekin lotutako erronkei ere.
"Hemen gauden guztion helburua da Europako agendan eragitea, gure interes komunen alde", azpimarratu du, eta Arku Atlantikoa defendatuko duen makroeskualde berri bat eratzeko eskatu du energia- eta trenbide-konexioak eta hidrogenoari lotutakoak azkartze aldera.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.