Asteazken iluntzean bertan hasiko dira Tourraren trabak nabaritzen Bilboko auzo batzuetan
Geroz eta gutxiago geratzen da Tourra Euskal Herrira iristeko, eta gauza jakina da Bilbon eragin handia izango duela lasterketak. Hala, eta nahiz eta txirrindulariak uztailaren 1ean abiatuko diren Bizkaiko hiriburutik, asteazken iluntzetik aitzinera hasiko dira lehen trabak nabaritzen Bilboko zonalde askotan.
Amaia Arregi eta Nora Abete Segurtasun eta Mugikortasun zinegotziek, hurrenez hurren, Tourra igarotzeko antolatu dituzten segurtasun, mugikortasun eta garbiketa operatiboak aurkeztu dituzte ostegun honetan, Udaltzaingoko agintariekin batera. Nabarmendu dute Tourra ekitaldi izugarri handia dela, baina planifikazio handia eskatzeko duela.
Tourrak eragindako lehendabiziko eragozpenak ekainaren 28an, asteazkenean, hasiko dira, orduan helduko baitira lehen txirrindulari-taldeak Etxebarria parkera. Udaletik azaldu dutenez, operatiboa amaitu bitartean, uztailaren 1era arte, 50 bat puntutan itxiko dira bideak ibilgailuentzat.
Irudia: EITB
Kasu batzuetan 6 orduz egongo dira kaleak itxita eta, beste batzuetan, 72 orduz. Esaterako, Etxebarria parkerako sarbidea ez da zabalduko asteazken iluntzetik lasterketaren helmugako instalazioak guztiz desmuntatu arte.
Ekainaren 29an taldeen aurkezpena izango da Guggenheim Museoaren inguruan, eta itxi egingo dute Abandoibarra etorbidea 09:00etatik 23:00etara, Jesusen Bihotzetik hasi eta Uribitarteraino. Eta ordu berean itxiko da Euskadi plazatik hasi eta Ramon Rubial kalean zehar doan sarbidea.
Trafiko mozketa handienak ekainaren 30etik aurrera
Zirkulazio aldaketek ibilgailuentzat eta oinezkoentzat izango dute eragin gehien, batez ere ostiral gauetik larunbateko iluntzera arte. Trafiko mozketa handiak ekainaren 30ean (ostirala) iritsiko dira, irteerako (San Mames) eta helmugako (Zumalakarregi) eremuak (lehen etapako helmuga) hustu behar direlako, eta goizeko 6:30etik aurrera zirkulazioa etengo da, San Mameseko tuneletatik hasita.
Egun zailena, baina, uztailaren 1a izango da, orduan ekingo baitio lasterketak Bilbotik. Egun horretan Bilbo guztiz isolaturik geratuko da. Mugikortasunaren gaineko eragin nagusiak uztailaren 1ean izango dira, 2023ko Tourra hastearekin batera; izan ere, 9:00etarako lasterketaren ibilbide osoa moztu egingo da. Udalaren aurreikuspenen arabera zirkulazioa uztailaren 1eko 21:00ak edo 21:30ak aldera berriz irekiko da.
Irudia: EITB
Liburuxka informatiboak
Tourrak herritarrengan eragin handia izango duenez, udalak 110.000 informazio-liburuxka banatuko ditu barruti guztietan mozketak non egingo diren eta joan-etorriak nondik egin behar dituzten jakiteko. Bilboko Udalak garraio publikoa erabiltzeko gonbita egin die herritarrei.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.