Ongietorri apoteosikoa egingo dio Bilbok Tourrari Guggenheim parean, taldeen aurkezpen ofizialarekin
Apoteosikoa. Halako ongietorria egin nahi dio Bilbok Frantziako Tourrari, taldeen aurkezpen ofizialarekin. Abandoibarra pasealekuak (Euskalduna Jauregiaren eta Guggenheim Bilbao Museoaren arteko tarteak) hartuko ekitaldi nagusia, eta adin tarte guztietako publikoarentzako ikuskizuna izango da. EITB Taldeak zuzenean eskainiko du hasieratik amaieraraino, 200 herrialdetara zabalduko duen emankizunarekin.
18:30etik 20:00etara egingo da taldeen aurkezpena, baina 17:00etatik dozenaka ekitaldi hartuko ditu Bizkaiko hiriburuak Abandoibarra pasealekuaren inguruetan, giroa berotzeko. Besteak beste, Frantziako Tourrean parte hartu duten euskal txirrindulariak omenduko dituzte, eta aurtengo protagonista handiak oholtzara igo aurretik, zaleen txalo artean hartuko dituzte Joane Somarriba, Agurtzane Elorriaga, Miguel Mari Lasa, David Etxebarria, Abraham Olano, Marino Lejarreta, Iban Mayo, Roberto Laiseka, Julian Gorospe, Juan Manuel Garate, Fede Etxabe, Javier Murgialdai, Jose Nazabal, Igor Gonzalez Galdeano, Haimar Zubeldia, Amets Txurruka, Igor Anton, Iker Camaño, Unai Osa, Beñat Intxausti, Jon Unzaga eta Iñaki Gaston.
Txirrindulariek Euskalduna Jauregitik Guggenheimerako bidea egingo dute, joan-etorria. Ikuskizun nagusia, berriz, museoaren atarian egingo da. Herritarrek doan ikusi ahal izango dute dena, baina antolatzaileek jendearen sarrera-irteerak kontrolatu egingo dituzte, baimendutako gehieneko edukiera zaintzeko. Hesituta egongo da inguru guztia, eta 16:00etatik aurrera sartu ahal izango da bertara. Hiru pantaila handi ere jarriko dira ibilbide osoan, ekitaldi nagusia zuzenean jarraitu ahal izateko.
Aurkezpenak amaitutakoan, musikak hartuko du lekukoa, 22:00ak arte. Hala, Oihan Vega DJa, Hortzmuga, Demode Quartet, ETS & Süne, Oreka TX, Kukai eta Neomak taldeen lanaz gozatuko dute bertaratzen direnek.
Horrek guztiak aldaketak eragingo ditu hiriko trafikoan. Abandoibarreko sarrera-irteerak eten egingo dira ibilgailuentzat (Jesusen Bihotzetik Uribitarteko biribilguneraino), 09:00etatik 23:00etara. Garraio publikoa erabiltzea aholkatu dute antolatzaileek.
Bestalde, goizean Tourreko Fan Park zaleentzako gunea inauguratu dute Areatzako parkearen inguruan. Gune irekia da, doakoa, eta txirrindularitzarekin zerikusia duten ekintzak egongo dira bertan.
Halaber, Bilboko Arte Ederren Museoak 2023ko Tourraren irudia aukeratzeko lehiaketaren kartel finalisten erakusketa hartuko du.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.