Epaileak espetxera bidali du Iruñean pertsona bati hiru labankada emateaz akusatutako gaztea
22 urteko gazte bat espetxera bidali du epaileak, 24 urteko beste bati ostegun goizaldean Iruñeko Yanguas y Miranda kalean hiru labankada ematea leporatuta. Zauritua Nafarroako Unibertsitate Ospitalean dago ordutik hiruburuko Udaltzaingoak jakinarazi duenez.
Bi delitu egozteko nahikoa zantzu daudela azaltzen du espetxeratze aginduak: homizidio-saiakera delitua eta gailu arriskutsu batekin egindako lesioen delitu arina.
Espetxeratze aginduaren arabera, gertakaria ostegun goizaldean jazo zen. Atxilotua bi lagunekin gurutzatu zen kalean eta haietako bati soinean zeraman txapela kendu zion. Horrek aurre egin zionean, erasotzaileak labana atera zuen eta sabelaldean ebakia egin zion. Lagunak zauritua defendatu nahi izan zuen, borrokan hasi zen erasotzailearekin eta lurrean bukatu zuten. Une horretan, atxilotuak hiru aldiz sastakatu zuen biktima, bitan eskuin aldeko hegalean eta beste behin ezkerreko sorbaldan.
Medikuntza Legaleko Nafarroako Institutuak azaldu duenez, zaurietako bat bihotzaren aurreko eremuan dago, bigarrena eskuin aldeko hemotoraxean eta hirugarrena ezkerreko sorbaldaren kanpoko aldean. Kirurgia tratamendua behar izan zuten. Gorputzeko eremu horietan bizitzeko beharrezkoak diren organoak (eskuineko birikia, gibela eta bihotza) daudela zehaztu du.
Horren ondorioz, aginduak dio "gorputz eremuak eta erabilitako modua kontuan hartuta", ez dagoela zalantzarik, "delitua homizidio-saiakera gisa jotzeko hasiera batean".
Beraz, epaileak atxilotua fidantzarik gabe espetxean sartzeko agindua eman du. Lurraldean errorik ez duela eta ihes egiteko arriskua dagoela zehaztu du. Hain zuzen ere, egoera irregularrean dagoela eta 2022ko urriaren 3tik kanporatzeko agindua emanda zegoela ere jakinarazi du.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.