Iruñerriko Mugimendu Feministak elkarretaratzea deitu du astelehen honetarako sexu erasoen aurka
Iruñerrriko Mugimendu Feministak elkarretaratzea deitu du astelehen honetarako, 21:00etan Gaztelu plazan, sanferminak hasi zirenetik izan diren sexu erasoen aurka.
Ostegunean sanferminak hasi zirenetik sexu-erasoen hamaika salaketa izan dira, eta Cristina Ibarrola alkateak berak baieztatu zuen atzo atxiloketak ere izan direla dagoeneko.
Ildo horretan, Udaleko Bozeramaileen Batzordeak, koordinazio- eta erantzun-protokoloa betez, bilera egin du gaitzespen-adierazpen bat adosteko eta deitutako mobilizazioei babesa adierazteko.
Adierazpen horretan, Iruñeko Udaleko talde politiko guztiek berretsi dute hirian gertatzen den "edozein eraso, indarkeria edo jarrera sexista gaitzesten" dutela, eta "eraso sexistak ezabatzeko, segurtasuna hobetzeko eta ingurune guztietan emakumeen askatasuna erabat gauzatzen dela bermatzeko" lanean jarraitzeko konpromisoa agertu dute.
Era berean, Batzordeak gizarteari eskatu dio alda dezala "erasotzailea babesteko eta emakumeei errua egozteko kultura-eredua" eta, bereziki, gizonei zuzendu zaie, haiei eskatzeko "emakumeek jasaten dituzten eraso eta indarkeria mota guztiak amaitzeko eta gure gizartean benetako berdintasuna lortzeko lan egiteko konpromiso aktiboa" har dezatela.
Gainera, indarkeria eta eraso sexistei modu aktiboan aurre egiteko gonbita egin diete herritarrei, "emakumeek beren harremanei, gorputzari eta sexualitateari buruz erabakitzeko duten eskubidea" azpimarratzearekin batera.
Aske, urruntze-aginduarekin
Iruñeko Udaltzaingoak jakitera eman duenez, joan den asteburuan emakume bati sexu-erasoa egiteagatik Iruñean atxilotutako gizonezkoa aske geratu da, urruntze-aginduarekin, igande honetan epailearen aurrean agertu ostean.
Iruñeko Udaltzaingoak gizon bat atxilotu zuen larunbat arratsaldean Nafarroako hiriburuan, Zabalguneko etxebizitza batean emakume bati ustez sexu-erasoa egiteagatik. Biktimak goizean salatu zuen Poliziaren aurrean gertaera hori.
11:30ean eraman dute epailearen aurrera deklaratzera.
Albiste gehiago gizartea
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.