Txosten teknikoen zain dago Barakaldoko Udala erretako eraikina eraitsi edo ez erabakitzeko
Barakaldo erdiguneko etxebizitza eraikin batean atzo izandako sutea nola piztu zen argitzeko ikerketak aurrera jarraitzen du. 16 urteko mutil bat hil zen eta beste sei pertsona, tartean bi adin txikiko, zauritu ziren. Azken horiek Gurutzetako erietxera eraman zituzten, garretatik ihesi leihotik salto egin ondoren hartutako kolpeengatik. Bik jarraitzen dute ospitalean ingresatuta; beste laurek, atzo bertan, jaso zuten senda-agiria.
Hedabideen aurrean gaur egindako adierazpenetan, Amaia del Campo herri horretako alkateak esan du sua "guztiz itzaltzea" lortu dutela gaur suhiltzaileek, eta orain txosten teknikoen zain daudela "sutearen kausak" argitzeko eta "eraikinarekin zer egin" erabakitzeko.
Horren harira, argitu du udal arkitektoak ez duela oraindik eraikinera sartzeko aukerarik izan, "egoera oso txarrean" baitago. Gehitu duenez, teknikoek aztertuko dute eraikinaren egoera eta beraiei dagokie txosten teknikoa egitea. Bertan jasotako ondorioen arabera, eraikina berritu edota eraitsi erabakiko dute.
Kalean dauden metalezko zutoinek suhiltzaileen lana oztopatu ote zuten galdetuta, Del Campok erantzun zuen herriko leku guztietako sarrera-irteerak halako egoeratarako prestatuta daudela. Halaber, gogoratu du aurreko legealdian suhiltzaileen laguntzarekin berrikusi zutela herriko oztopo-zutoinen kokapena. "Ezohiko sute baten aurrean gaude, aparteko baliabideak behar izan dira, eta baliteke suhiltzaile-talde batzuek oso ondo ez ezagutzea herriko ibilbideak, bertara iristeko", adierazi du.
Goizaldeko 03:00etan piztu zen sua, eta berehala zabaldu ziren garrak, eskailerak guztiz kiskaltzeraino. Uste da hildako gaztea eskaileretatik ihes egiten ahalegindu zela, eta ez aurrera ez atzera geratu zela bertan. Lekukoek atzo azaldu zutenez, une benetan beldurgarriak bizi izan zituzten; haurrak eta helduak leihoetatik ihes egiten ikusi zituzten, sugar artean.
Bere aldetik, Barakaldoko Udaleko Bozeramaileen Batzordeak dolu-eguna deitu zuen atzo, eta bertan behera utzi zituzten Karmen festetako ekitaldi guztiak. Gaur berrekingo diete.
Zure interesekoa izan daiteke
Sare kriminal bat desegin dute Euskadin kriptodiruko inbertsio faltsuekin 400.000 eurotik gorako iruzurra egiteagatik
Sare sozialen bidez, biktimak bereganatzen zituen, eta kriptodiru-plataforma faltsuetan inbertitzeko konbentzitzen zituzten. Lau atxilotu daude, eta burua omen dena kartzelan sartu dute.
Auto ilarak izan dira N-1 errepidean, Beasain eta Arama artean, Gasteizerako noranzkoan izandako bi istripuren ondorioz
Lau autoren arteko istripua izan da aurrena, Beasasin eta Ordizia artean, eta autoak erretiratu badituzte ere, horrek eragindako auto-ilaretan txapa-istripu bat izan da, eta egoerak korapilatuta jarraitu du.
125 urte, Orion balearen kantua azkenengoz entzun zenetik
125 urte igaro dira euskal balearen azken alea harrapatu zenetik, Orion. Gaur egun, balea-arrantzaren azken pasarte hura mugarri sinboliko bihurtu da herriarentzat. Xabier Alberdi Itsas Museoaren zuzendari zientifikoak egun hartan gertatutakoa azaldu du, eta Euskal Herrian balea-arrantzuak izan zuen garrantzi historikoa azpimarratu du.
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.
Nelson David Morenok ukatu egin du Bilbon 73 urteko gizona hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen egile izan daiteke.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".