Bero zakarra Araban eta Nafarroan
Nafarroan eta Araban bero sapa jasaten ari da goizean goizetik. Egunsentia epela izan da eta termometroek gora egin dute ondoren, hego ukituko haizeari esker.
Euskalmetek abisu horia ezarri du 12:00etatik 17:00etara Araban, Ebro ondoko eskualdeetan. Aemetek, berriz, alerta laranja du ezarria Nafarroa ia osoan eta horia Pirinioetan. Hain zuzen ere, 35 graduak aise gainditu dituzte dagoeneko foru erkidegoko hainbat lekutan: 38 ºC neurtu dituzte Iruñean eta Lizarran eta 41 ºC-ra iritsi dira Tuteran.
Uztailaren 18ko alertak. Irudia: EITB Media
Tenperatura altuek eraginda, sute arriskua dagoenez, Nafarroan bilduta dago alerta faseen koordinaziorako eta Infona planaren jarraipenerako mahaia.
Kantauri isurialdean egoera bestelakoa izan da. Goizean hodeiak eta ostarteak zirela esnatu da zerua eta tenperaturak epelak izan dira.
Goiz erdian, ordea, haizea ipar-mendebaldetik finkatu da, tarteka, zakar xamar eta, orduak pasa ahala, lurraldean barrura sartzen joan da. Kostaldean 25 ºC-tik behera egon dira termometroak eta barneko bailaretan, leku askotan 30 ºCra iritsi badira ere, giroa freskatzen hasi da eguerdi partean.
Iragarpenak dio, gaur eguna amaitzerako, ipar-mendebaldeko haize hori lurraldearen hegoaldera sartuko dela eta termometroek denean egingo dutela behera. Izan ere, gainean dugun aire masa beroa ekialdera mugituko da eta hurrengo egunetan giro freskoagoa izango dugu Euskal Herri osoan.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.