Ama bat 3, 5 eta 9 urteko hiru seme-alabak hiltzen saiatu da Fiteron
Ama bat ustez 3, 5 eta 9 urteko hiru seme-alabak hiltzen saiatu da Fiteron (Nafarroa), Guardia Zibilak jakitera eman duenez. Adingabeak zauritu ditu, eta Nafarroako Unibertsitate Ospitalera eraman behar izan dituzte, Iruñera.
Gertakariak gaur jazo dira, 12:00ak aldera, Fiteron. Guardia Zibilak herriko etxebizitza batean gertatzen ari zenaren berri izan du, eta patruilak 3, 5 eta 9 urteko hiru haur aurkitu ditu zaurituta etxean. Hiru urteko haur txikiena oso larri dago ZIUn, intubatuta.
Antza denez, 5 eta 9 urteko bi seme nagusiak kalera atera dira laguntza eske, horietako batek ahoan hantura zuela, eta bizilagunek Guardia Zibilari deitu diote. Agenteak bi haurrekin batera sartu dira etxean, eta hiru urteko ama eta 3 urteko semea aurkitu dituzte.
Dirudienez, ama bere buruaz beste egiten saiatu da. Tuterako ospitalera eraman dute, eta atxilotuta dago. Ikerketako iturriek adierazi dutenez, amak pozoi bat hartu du bere buruaz beste egiteko.
Miguel Aguirre Fiteroko alkateak azaldu duenez, herria "atsekabetuta, erabat harrituta eta kezkatuta" dago gertatutakoaren berri izan ostean. Miguel Aguirrek adierazi duenez, "2.000 biztanleko herri batean ez duzu inoiz pentsatzen horrelakorik gertatuko denik, baina gertatu da eta gorputza izoztuta daukagu".
"Hasieran dena nahasmena zen, baina gertatutakoa argituz joan da, eta, ustez, ama seme-alabak hiltzen saiatuko zen edariren bat emanda, eta ustez arma zuriz egindako zauriren bat ere badute", erantsi du alkateak.
Alkateak jakitera eman duenez, Iruñeko ospitalera zihoan aitarekin hitz egin ahal izan du, eta haren esanetara jarri da, behar zuenerako. Magrebtar jatorriko familia da.
Aguirrek erantsi du Carmen Maeztu Nafarroako Gobernuko Eskubide Sozialetako kontseilariaren deia jaso duela, eta horregatik eskerrak eman dizkio. "Etengabeko harremanean egongo gara", esan du.
Gainera, alkateak iragarri du udal gobernua eta udalbatza bilduko direla gertatutakoari aurre egiteko eta adierazpen bat onartzeko.
Zure interesekoa izan daiteke
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.