14 urteko zigorra ezarri diote 2021ean Azagran bikotekidea hiltzen saiatzeagatik auzipetutako gizonari
Nafarroako Auzitegiko Bigarren Sekzioak 14 urteko kartzela-zigorra ezarri dio Azagrako (Nafarroa) bizilagun bati, 2021eko otsailean bikotekidea kolpeka hiltzen saiatu zelako. Emakumea ondorio "oso larriekin" atera zen bizirik.
Nafarroako Justizia Auzitegi Nagusiko Arlo Zibileko eta Penaleko Salan errekurritu daitekeen epaian, magistratuek milioi bat euroko kalte-ordaina ematera kondenatu dute auzipetua, eta 20 urtez 500 metro baino gutxiagora hurbiltzeko eta biktimarekin komunikatzeko debekua ezarri diote, baita zaintzapeko askatasunaren neurria ere, behin 10 urteko espetxe-zigorra beteta.
Frogatutako gertaerak hilketa ahalegin delitutzat jotzen dituzte magistratuek, ahaidetasunaren larrigarriarekin.
Gertaera
Epaiaren arabera, akusatuak harreman afektiboa edo sentimentala zuen biktimarekin, eta biak Azagrako etxebizitza batean bizi ziren.
2020ko udaren amaieran, bikotearen harremana guztiz hondatuta zegoen, eztabaida eta liskar etengabeekin, eta bikotea banandutako geletan lo egiten ari zen uda amaieratik.
Epaiak dioenez, 2021eko otsailaren 20an, erruztatua bere bikotekideak lo egiten zuen gelara sartu zen, eta "ustekabean eta akabatzeko asmoz" jo zuen, kilo bat baino gehiagoko pisua zuen makila metaliko baten forma zuen tresna batekin.
Buruan, aurpegian eta besoan "hainbat kolpe" eman zizkion. Toki estu batean egin zuen, erasoa jasan zuenarentzat defentsa eraginkorrerako aukerarik gabe, eta erasoa bertan behera utzi zuen "hil zuela pentsatu zuenean".
Egun berean, 12:05ak aldera, orain kondenatua Lizarrako Foruzaingoaren egoitzara sartu zen, eta bertan, agente batek galdetu zionean, honela erantzun zuen: "Emaztea hil dut".
"Etxean zegoen objektu metaliko batekin jo dut, behin eta berriz jo dut aurpegian eta buruan, egiten ari nintzenaz konturatu eta gelditu naizen arte", azaldu zuen lehen unean.
Erasoaren ondorioz, emakumeak ondorio kognitibo eta portaerazko "oso larriak" ditu, epaileek azaldu dutenez.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.