Azagran bikotekidea hiltzen saiatzeagatik akusatutako gizonak esan du ez duela gogoratzen erasoaren unea
Duela bi urte bikotekidea hiltzen saiatzea leporatu zioten Azagrako bizilagunak ez du gogoratzen erasoaren unea, nahiz eta emakumea oso larri utzi. Emakumeak azaldu duenez, ordea, gizonak makila metaliko batekin eraso zion, hilko zuela oihukatzen zion bitartean, hainbat urtez elkarrekin egon ostean.
Biek oso bertsio ezberdinak azaldu dituzte Nafarroako Lurralde Auzitegian hasi den epaiketan. Bertan, hiru egunez lekukoek, inplikatuek eta kasuko adituek deklaratzea aurreikusten da. Fiskalak, hilketa saiakera delitutzat jota, 14 urte eta erdiko kartzela-zigorra eskatzen du. Akusazio partikularrek eta herri-akusazioek, berriz, 15 urteko espetxealdia eskatzen dute.
Santiago akusatuak fiskalari eta defentsari baino ez die erantzun, eta askotan esan du ez dituela gertakariak gogoratzen, baina "esnatu zenean", eskuan makila metaliko bat zeramala eta bere bikotekidea, Ana, lurrean etzanda zegoela ikusi zuen. "Ikustean konturatzen naiz zer gertatu den", erantsi duenez.
Hala ere, kontraesanak izan ditu. Emakumearengan zauririk ikusi ez zuela adierazi ondoren, "odol askorik" ikusi ez zuela esan du, nahiz eta Ana oso larri zauritu zen buruan eta gorputzeko goialdean kolpe ugari izan. Gainera, gela odolez oso zikinduta geratu zela onartu du, eta geroago aitortu du: "Gelatik joan nintzen, ezin nuen hura ikusi".
Anak, ostera, bere txandan kontatu du urteak zeramatzala banandu nahian, baina gizonak ez ziola uzten, eta gertakarien egunean berak eraso egin ziola inolako eztabaidarik gabe, ezustean sartu zelako bere gelan barra batekin oihuka: "Hil egingo zaitut, kokoteraino naukazu".
Ondorio fisiko eta neurologiko nabarmenak ditu, hasierako larritasuna gainditu eta ebakuntza kirurgiko batzuk egin ondoren. Anak deklaratu du, arrebaren eta Biktimen Bulegoko langileen lagunduta, baina ez du kontakturik izan akusatuarekin.
Azkenik, familia, lagunak eta auzokoak bat etorri dira adieraztean bazekitela emakumeak harremana amaitzeko eta banantzeko asmoa zuela, baina ez indarkeria fisikorik egon zenik, bai, ordea, ahozko indarkeria.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.