Getxoko Udalak sexu-erasoak salatzeko gaurko deitu dituen bilkuretan parte hartzera deitu ditu herritarrak
Getxoko Udalak bi elkarretaratze deitu ditu gaurko, joan den astean Getxon izandako bi sexu-erasoak salatzeko. Batetik, 12:00etan, udaletxearen aurreko eskaileretan, bilkura isila egingo dute udal ordezkariek eta Berdintasun Batzordeko kideek, eta bestetik, 19:30ean, Telletxe kaleko puntu lilan biltzera deitu dituzte herritarrak.
Atzo egindako bilkuran, Getxoko Udaleko Bozeramaileen Batzordeak aho batez onartu zuen sexu-erasoen kontrako adierazpena. Bertan, gogor gaitzetsi zituzten aurreko asteko sexu-erasoak, eta elkartasuna adierazi zieten biktimei eta horien gertukoei.
Bestalde, Algortako Mugimendu Feministak deituta, elkarretaratzea egin zuten atzo arratsaldean, Telletxe kalean, 'Erasorik ez, erantzunik gabe' goiburupean. Oihane Landazabal aipatutako plataformako kideak eraso oro salatzearen garrantzia nabarmendu, eta indarkeria matxista errotik desagerrarazteko lanean jarraitzeko eskatu zuen.
Bi gizonezko atxilotu zituzten joan den astean Getxon izandako erasoekin lotuta. Ertzaintzak jakitera eman duenez, Algortan izandako erasoaren ustezko egileak atzo deklaratu zuen epailearen aurrean, eta karguekin aske utzi zuten. Aixerrotan izandako erasoarekin lotuta atxilotutako 26 urteko gizonezkoa ere utzi zuten aske, deklarazioa hartu ondoren.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.