'Vending' edo salmenta makinak, hazten ari den sektorea EAEn
Salmenta makinak (vending izenaz ezagutzen dira) aspaldidanik daude gure kaleetan, eta denbora honetan kontsumitzaileak erakartzea lortu dute. Baina ba al dute etorkizunik? Eta, hala bada, betiko negozioen ordezko ala osagarri dira?
Zenbait kontsumitzailek nahiago dute denda fisiko batean erosi; eta beste batzuentzat, berriz, errazagoa da salmenta makinetara joatea.
Datu zehatzik ez badago ere, Euskal Autonomia Erkidegoan edari beroak, hotzak eta elikagaiak eskaintzen dituzten 15.000 makina inguru daude, EVE Euskadiko Vending Elkarteak emandako datuen arabera.
Elkarte horretatik adierazi dutenez, sektoreak hazten jarraituko du, instalatutako salmenta makinen kopurua gora egiten ari baita. Halaber, produktu "osasuntsuak" eskaintzearen aldeko apustua hazten ari dela nabarmendu dute.
Gaur-gaurkoz, marka batzuek beren negozioak makina horiekin osatzea erabaki dute, besteak beste, bezeroen beharrak asetzeko. Hori da, hain zuzen ere, Orion dagoen Kepa Loidi harategiaren kasua. Ainhoa Loidi arduradunarekin hitz egin dugu, eta berak esan digu iazko urtearen amaieran eman zutela pausoa denda itxita dagoenean ere 24 orduz zerbitzua emateko. Horren esanetan, zerbitzua ematea da helburua, dirua egitea baino gehiago.
Harategia astelehenetik ostegunera ixten dute arratsaldeetan, barruan haragi produktuak eta aurrez prestatutako elikagaiak egiteko. Ainhoa Loidik azpimarratu duenez, dendan gehien saldu ohi dutena jarri ohi dute erakusleihoan daukaten salmenta makinan: txistorrak, txorizoak, odolkiak, hanburgesak, enpanadak, pizzak...
Salmenta automatikoak harrera ona izan du bezeroen artean, eta, bereziki, gazteak eta adinekoak dira erabiltzaile nagusiak.
Makina horien etorkizunaz galdetuta, Loidik aitortu horien gainean egon behar dela eta denbora eskatzen dutela. Nolanahi ere, zerbitzua emateko eta jendea gustura izateko modu bat dela azpimarratu du.
Zure interesekoa izan daiteke
Erasoen aurkako dispositiboa aktibatuko dute Bilbon larunbatean Aste Nagusirako
Udalak eta Bilboko Konpartsek, batera, eraso matxistentzako protokolo espezifikoa berritu dute.
Granada lurrikara-multzo batean murgilduta dago abuztuaren 14tik
Granadak lo egin ezinean igaro du beste gau bat, erreplikak zenbatuz, atzo probintzia astindu zuen 4,8 graduko lurrikararen ostean. Adituek baieztatu dutenez, bai probintzia eta bai metropoli-eremua abuztuaren 14tik daude multzo sismiko batean bete-betean sartuta: antzeko potentzia duten lurrazaleko lurrikaren segida bat, asteak edo hilabeteak iraun ditzakeena.
Ceutara iritsitako ehunka emakume migranteek egoera bereziki lazgarrian jarraitzen dute
Marokotik Ceutara iritsi ziren ehunka emakumeek egoera bereziki lazgarrian jarraitzen dute. Jada egoera larrian badaude ere, gainerako gizonezko migranteen hitzek, jokaerek eta ekintzek babes falta areagotzen dute. UNICEF gertutik ari da krisia bizitzen: polizia nahikorik ez dagoela eta dauden agenteek ezin dietela lagundu salatu dute.
Europa lehorte larrian dago
Euri-faltak eta ondoz ondoko bero-boladek ibaien emaria murrizten dute, eta eragina dute nekazaritzan, garraioan eta ur-horniduran.
Minutu bateko isilunea egin dute Espinosa de los Monterosen, harrapaketa batean hildako Bizkaiko haurra gogoratzeko
Espinosa de los Monteros herriko Udalak (Burgos) minutu bateko isilunea egin du astelehen honetan Gurutzetako ospitalean larunbat gauean traktore batek harrapatuta hil den 10 urteko haurraren omenez.
Etxera itzul daitezke jada Rigloseko sutearen ondorioz hustutako zazpi herritako 500 bizilagun inguru
Sutearen bilakaera ona den arren, eta ezker hegaleko sektorean perimetroa egonkortzeko bidean aurrera egin den arren, Santa Cruz de la Seros eta San Juan de la Peña inguruetan "puntu bero asko daude oraindik, erre gabe, zuhaitz-eremuetan", eta lanean jarraitzen dute hor Infoarreko brigadek eta Larrialdietarako Unitate Militarra (UME).
Iruñeko gizon batenak dira Esako urtegian aurkitutako gorpuzkiak, eta homizidio gisa ikertzen ari dira
Ikerketa Zaragozako Guardia Zibilak hartu du bere gain, Foruzaingoarekin eta Iruñeko Udaltzaingoarekin elkarlanean. Gorpuzkiak urtegiaren ertz batean agertu ziren abuztuaren 4an, lehortearen ondorioz uraren maila jaisten hasi zenean.
Gidarien % 35ek positibo eman dute EAEko errepideetako droga kontroletan
Ertzaintzak urteko lehen bost hilabeteetan egindako 2.809 probetan 982 gidarik droga kontsumitzeagatik positibo eman dute, hau da, iazko epe berarekin alderatuta positibo-tasa 0,7 puntu jaitsi da.
Alhambrak kalte arinak ditu, Alcazaban batez ere, baina ez egiturazkoak
Astearte arratsaldetik itxita egon ostean, monumentu-multzoa berriro ireki dute asteazken honetan, ohiko ibilbide guztiarekin, Alcazabako pasabidea izan ezik. Gainera, bisitarien segurtasuna bermatzeko, Nazaretar Jauregietatik eta Generalifetik igarotzen diren ibilbideak egokitu egin dituzte.
20 urteko motorzale bat larri zauritu da Burlatan semaforo baten aurka talka eginda
Gaueko 21:00ak pasata izan da ezbeharra, eta gaztea Zainketa Berezien Unitatean dago, buruan kolpe handia hartuta. Foruzaingoa gertaturikoa ikertzen ari da.