Fiskaltzak kereila jarri du Rubialesen aurka, sexu erasoa eta Jenni Hermosoren aurkako hertsapena egotzita
Fiskaltzak kereila aurkeztu du Auzitegi Nazionalean Luis Rubiales Espainiako Futbol Federazioko presidente kargugabetuaren aurka, Jenni Hermoso jokalariari Sydneyko Munduko Txapelketako finalaren ostean eman zion musuaren harira sexu erasoa eta hertsapena egotzita.
Ministerio Publikoak adierazi duenez, bere jokabidea ez zen baimendua izan, eta, beraz, sexu eraso delitua eta hertsapen delitua ekar ditzake, futbolariak gertakaria justifikatzeko jasan zuen presioagatik. Hori dela eta, Auzitegiari eskatu dio EFFAko zuzendari kargugabetuaren aurkako auzi bat irekitzeko.
Fiskaltzak ohar baten bidez adierazi duenez, Rubialesen aurkako ekintza legalak hartu ditu, jokalariak agerraldia egin baitzuen joan den asteartean salaketa formalizatzeko eta gertakariak haren baimenik gabe gertatu zirela berresteko.
Agerraldi horretan, Hermosok kontatu zuen Rubialesek eta bere ingurune profesionalak etengabe presionatu zutela, bere nagusiak bi eskuekin burua heltzen zion bitartean emandako musua jendaurrean onar zezan, Munduko Futbol Txapelketako garaikurren banaketa ekitaldian, abuztuaren 20an.
Marta Durantez Auzitegi Nazionaleko fiskalordeak bere kereilan azaldu duenez, Hermosok "jazarpen egoera jasan zuen, bizitza baketsu, lasai eta aske bat garatzeko aukera eragotzita", eta Rubialesen hertsapen-delitua izan zitekeen.
Eginbideen artean daude Luis Rubiales aipatutako delituengatik ikertu gisa deklaratzea eta Jenni Hermoso biktima gisa deklaratzea.
Fiskaltzaren urrats horren ondoren, kereilaren ardura duen Auzitegi Nazionaleko epaitegiak erabaki beharko du Rubialesen aurkako prozedura penala ireki ala ez.
FIFAk aldi baterako kendu dio Rubialesi presidente kargua, Munduko Txapelketako finalean izan zuen portaera ikertzen ari dela. Espainiako selekzioaren garaipena ospatzean, genitalak ere ukitu zituen palkoan.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.