Hezkuntza Sailak kilometroko 29 zentimoko ordaina emango die eskola garraio zerbitzu gabe izan diren familiei
Bizilekutik ikastetxera dagoen kilometro bakoitzeko 0,29 euro ordainduko dizkie Eusko Jaurlaritzak astebete pasatxo eskola garraio zerbitzu barik egon diren Arabako eta Bizkaiko familiei. Eusko Jaurlaritzak gaur, gobernu bileran, onartu du konpentsazio bide horri aurre egiteko ezohiko dirulaguntzen deialdia, milioi bat euroko partida bideratuta.
Hain justu, gobernu bileraren osteko agerraldian izan da Jokin Bildarratz Hezkuntza sailburua, eta berak eman du onartutakoaren berri. Laguntzak Euskal Herriko Aldizkari Publikoan argitaratu eta biharamunean sartuko dira indarrean, eta eskola garraioaren erabiltzaileek hilabete izango dute eskaria aurkezteko. Dokumentu bat bete eta hura ikastetxeko zuzendaritzan aurkeztea (presentzialki edo telematikoki) baino ez dute egin beharko. Dirua "denbora tarte labur batean" jasoko dutela iragarri du sailburuak.
Bizkaian eta Araban eskola garraio zerbitzu gabe abiatu zuten ikasturtea, enpresen eta Jaurlaritzaren arteko desadostasunak tarteko. Astebete pasatxoz, familiek euren gain hartu behar izan zuten haur eta gazteen joan-etorrien ardura, baita horien kostua ere. Horren harira, Bildarratzek esan du "lehentasuna seme-alabei zerbitzu egokia eskaintzea izan dela beti, eta, zerbitzurik ezean, familiari seme-alaben joan-etorriek dakartzaten kostuak arintzea. Kaltea bi aldiz jasan ez dezaten".
Hezkuntza sailburuak aitortu du "egun gutxi" izan dira zerbitzu barik, baina "eragozpenak handiak" izan dira. "Kasu honetan, esan dezaket lasaigarria dela gisa honetako agindu ekonomiko batek hain iraupen laburra izatea. Lasaitasuna da aurkezpen egunean agindua iraungita geratzea. Baina kaxoian gorde baino lehen, dagokien familiei laguntzeko aplikatuko dugu", nabarmendu du.
Laguntzen xehetasunak: nortzuek, nola eta non
Dirulaguntza honakoek eska dezakete: eskola garraioaren erabiltzaile diren Haur Hezkuntzako (HH) 3. mailakoek, HH 4 eta 5ekoek, Lehen Hezkuntzakoek, Derrigorrezko Bigarren Hezkuntzakoek eta Oinarrizko Lanbide Heziketakoek.
Jardunaldi zatitua duten ikastetxeetan, joan-etorriko bi ibilbide kontuan hartuko dira, eta jardunaldi trinkoa dutenen kasuan, ibilbide bakarra. Distantziak neurtzeko, "GeoEuskadi" kartografian oinarritutako tresna erabiliko da, eta beste zenbait faktore ere aintzat hartu dituzte, hala nola, ikastetxearen ordutegia edo ikasleak eskolako jantokia erabiltzen duen ala ez. Zenbateko hori kalkulatzeko, kontuan hartu dute administrazioak bere langileei laneko bidaiak egiten dituztenean ordaintzen dien zenbatekoa.
Agindua irailaren 26n argitaratuko denez, urriaren 27ra arteko epea dute familiek eskabidea egiteko.
Fiskaltzara jotzea, "azterketze"
Kazetarien galderei erantzunda, Jokin Bildarratzek ez du argitu auzi honetan Fiskaltzara joko ote duten. Hilabete hasieran sailburuak berak aurreratu zuen enpresen jardunean "delitu zantzuak" aurkitu zituztela eta Fiskaltzara jotzeko asmoa iragarri. "Zerbitzuk juridikoak ari dira kontua aztertzen. Egia da egoera aldatu dela eta enpresak era egokian ari direla zerbitzua ematen. Aztertzeke daukagu", azaldu du.
Dena dela, espero du "konfiantza giro bat" eraikitzea enpresen eta Jaurlaritzaren artean, eta euren eskaera, "batez ere teknikoak", aztertzeko aukera izatea.
Zure interesekoa izan daiteke
N-636 errepidea itxi dute Kanpazarren, bi kamioik talka egin ostean; ez da zauriturik
Trafikoa etenda dago Elorrioko puntu horretan, eta ibilgailuak bidetik kendu bitartean, desbideratzeak egiten ari dira.
"Greba mugagabearen danborrak ate joka daude", ohartarazi dute medikuek
Medikuen Mugimendu Bateratuak (MUD) salatu du medikuek pairatzen duten lan gainkarga; “denbora agortzen” ari dela diote.
Albiste izango dira: Leon XIV.a aita santua Kanarietan, medikuen greba eta 2026ko Munduko Futbol Txapelketa
Gaurkoan Orain-en albiste izango direnen laburpena, bi hitzetan.
Ezohiko Munduko Txapelketa gaur hasiko da: 48 selekzio, hiru herrialde eta 104 partida
Ikusminaren eta polemikaren erdian hasiko da gaur txapelketa: zaleek, epaileek eta selekzio parte-hartzaile batzuek Estatu Batuetan sartzeko arazoak salatu dituzte.
Ramon Lazaro Tudelanoko presidente ohia aske utzi dute behin-behinean, baina Estatutik irteteko debekuarekin
Ikerketaren buru den instrukzioko epailearen ustez, partiden emaitzak moldatzen zituen kirol-ustelkeria sare baten burua da. Zuzendu zuen klubetako dirua bereganatzea ere leporatu dio.
Jose Ignacio Lopez de Arriortua, "Superlopez", hil da
Zornotzarra jaiotzez, automobilgintzan izan zuen ibilbide oparoarengatik izan zen ezaguna.
Martxoaren 3ko sarraskia oroitarazteko artelan berri bat egin dute Gasteizen, jatorrizkoaren gainean
Gasteizko Zaramaga auzoan, Martxoaren 3ko sarraskian oinarritutako jatorrizko muralaren gainean artelan berri bat egin dute. Pinturak 180 metro koadroko azalera hartzen du, eta jatorrizkoaren konposizioa eta aldarrikapen-mezua errespetatzen ditu.
Euskadi eta Nafarroa, % 95etik gorako emaitzekin unibertsitatera sartzeko probetan
24.700 ikasletik gora aurkeztu dira Hego Euskal Herrian, eta hizkuntza-ereduen arabera aldeak nabarmenak dira: Euskadin, euskaraz ikasi dutenen % 96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.