8 urteko zigorra ezarri diote Huarteko etxebizitza batean lehergaiak egiteko materiala gordetzen zuen gizonari
Nafarroako Auzitegiak zortzi urte eta bi hilabeteko kartzela zigorra ezarri dio Uharteko etxebizitza batean lehergaiak egiteko substantzia kimikoak gordetzen zituen gizonari. Gainera, gurasoei mehatxuak egin eta tratu txarrak eman zizkien eta droga ekoizten eta salerosten zuen.
Nafarroako Justizia Auzitegi Nagusiak gaur zabaldutako epaiaren arabera, akusatuak leporatzen zizkioten delituak onartu ditu, tartean, gurasoei mehatxu egitea eta tratu txarrak ematea, droga trafikoa, lehergaiak izatea eta debekatutako armak gordetzea.
Fiskaltzak eta defentsak akordioa lortu ostean, gizonak delituak onartu eta bere burua erruduntzat jo zuen. Epaiaren arabera, zigortutako gizonak eskizofrenia eta nortasunaren nahasmendua ez ezik, droga eta alkohola kontsumitzeagatik sortutako nahasmendua ditu, eta sarritan eraso eta mehatxu egin zien gurasoei.
2022ko azaroaren 2an, etxea lehertzearekin mehatxatu ondoren Poliziak egindako miaketan, besteak beste, lehergaiak egiteko materiala, pistola elektrikoak (taser) eta munizioa atzeman zizkioten. Halaber, bere ordenagailuan lehergaiak nola egin azaltzen zuten dokumentuak eta bideoak aurkitu zizkioten.
Epaia ezagutu aurretik eta iazko azaroaren 4tik, zigortutako gizona behin-behineko espetxean zegoen.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.