Motozale bat larri zauritu da Barakaldon izandako istripuan
Motozale bat larri zauritu da gaur arratsaldean Barakaldon (Bizkaia), motozikleta batek eta auto batek izandako zirkulazio-istripuan, Ertzaintzako iturriek eitb.eus-i azaldu diotenez. Ezbeharra 15:00ak aldera gertatu da, A-8an, Kantabriarako noranzkoan, Max Centerren ondoan, eta auto-ilarak sortu dira.
Gainera, 14:30ean, beste istripu bat gertatu da A-8 errepidean, Galdakaon (Bizkaia), Bilborako noranzkoan, auto bat errepidetik atera baita. Suhiltzaileek erreskatatu behar izan dute gidaria, eta larrialdi zerbitzuek zaurituta eraman dute Galdakaoko Ospitalera.
Bestalde, 79 eta 22 urteko bi gizonezko zauritu dira 13:12 aldera NA-138 errepidean, Saigotsen (Nafarroa), motozikleta batek eta auto batek aurrez aurre talka eginda.
22 urteko motozalea helikopteroz eraman dute Nafarroako Unibertsitate Ospitalera. 79 urteko gizonezkoa, berriz, anbulantzian eraman dute ospitalera.
Goiza erekorapilatsua izan da EAEko errepideetan; izan ere, Hegoaldean jaieguna denez, pilaketa handiak izan dira, batez ere Bizkaian eta Gipuzkoan. A-8an, Muskizen, Kantabriarako bidean, trafiko handia izan da, eta 14 kilometrorainoko auto-ilarak sortu dira, Eusko Jaurlaritzako Segurtasun Sailaren arabera.
Gipuzkoan, Ipar Euskal Herriarekiko mugan, ilarak 10 kilometrotik gorakoak izan dira goizean zehar, baina zirkulazioa bere onera itzuli da pixkanaka. Pilaketek inguruko errepideetan ere izan dute eragina, GI-636 errepidean esaterako, eta 7 kilometroko ilarak ere izan dira. Irungo errepideetan ere izan ditu ondorioak.
Atzo hasi zen irteera-operazioa, eta goizean goizetik hasi dira antzematen arazoak euskal errepideetan; izan ere, lau eguneko zubiak autoa hartzera animatu ditu asko.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.