Bederatzi pertsona atxilotu dituzte donostiar zale bati Sorian emandako jipoian nahastuta daudelakoan
Espainiako Poliziak bederatzi pertsona atxilotu ditu Sorian eta Estatuko beste probintzia batzuetan Ion Aranburu zale donostiarrari emandako jipoiarekin harremana dutenelakoan. 44 urteko gizona koma egoeran egon zen hainbat egunez, Sorian, Numancia eta Cornella futbol partidaren aurretik, burua estalita zuten pertsona batzuek eragindako zauriak tarteko.
Espainiako Gobernuak Sorian duen Ordezkaritzaordeak baieztatu ditu atxiloketak, eta operazioa zabalik dagoela erantsi du. Hala, baliteke datozen orduetan atxiloketa gehiago egitea.
Atzo Soriako hiriburuan hainbat pertsona hartu zituzten atxilo, besteak beste, Mariano Granados plazan (erdigunean).
Jipoia maiatzaren 27an jazo zen. Antiguoko bizilaguna Kataluniako lagun batekin Numancia eta Cornella taldeen arteko norgehiagoka ikusten joan zen Soriara. Partida talde katalanak irabazi zuen, eta ondorioz, Soria mailaz jaitsi zen.
Aranbururen familiak eta lagunek azaldu zutenez, donostiarra taberna batera joan zen, eta bertan bi taldeetako zaleak zeuden, "errespetuzko giro onean". Hala ere, "50 faxista kaputxadunek" eraso egin zioten, eta harrikada baten ondorioz, konortea galdu zuen. Soriako ospitalera eraman zuten lehenik, eta, ondoren, Burgosekora, Soriako hiriburuan baliabide falta zegoelako.
Senideen hitzetan, "erasoa guztiz antolatua izan zen, beste leku batzuetako kide faxisten parte-hartzearekin". Salatu zutenez, Numancia futbol taldeko hainbat ultra (Orgullo Numantino taldekoak, besteak beste) egon ziren jipoian nahastuta, baina baita Zaragozako eta Leganesekoak ere.
Hasiera batean, lau pertsona atxilotu zituzten gertatutakoarekin zerikusia zutelakoan, baina deklaratu ostean, aske utzi zituzten.
Albiste gehiago gizartea
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.