Igande eguzkitsua, datorren astean iritsiko den hotzaren eta euriaren atariko
Egun gris eta euritsuen ostean, igande honetan, eguraldiak atseden apur bat emango du eta ostarte zabalak eta tenperatura igoera nagusituko dira. Hala ere, datorren astea hastearekin batera, hoztu egingo du eta euria itzuliko da, bereziki ipar partean. Hori izango da aste osoko joera orokorra.
Egunsentia hotza izan arren eta behe-lainoa jaso ostean, eguzkia gailenduko da eta giroa nahikoa dotorea izango da gaur. Zerua ez da erabat urdin egongo, erdi-mailako hodeiak eta goi-hodeiak tartekatuko baitira. Ekialdeko haizea nagusituko da, baina kostaldean iparraldera egingo du arratsaldean; azken orduetan, haizea hegoaldetik sartuko da. Eguneko tenperaturak apur bat egingo du gora, eta balio goxoak izango ditu.
Astelehenean, eguraldi aldaketa dator. Eguna lehorretik hasiko dugu, erdi-mailako hodeiekin eta goi-hodeiekin, baina goizak aurrera egin ahala, fronte bat sartuko da, lainotu eta euritara joko du. Euria denera zabalduko den arren, euri gehien isurialde atlantikoan egingo du. Haizea hego-mendebaldetik sartuko da hasieran; eguerdi partean, baina, ipar-mendebaldekoari emango dio paso, eta zakartu egingo da, bereziki kostaldean. Egunsentia epelagoa izango da; maximoak, berriz, apur bat jaitsiko dira.
Asteartean, moteletik eta bustitik jarraituko du. Zerua lainotuta egongo da eta euria egingo du tarteka, bereziki isurialde atlantikoan eta egunaren lehen partean; euria sarriago egingo du orduan. Azken orduetan, atertzera egingo du eta hodeitza saretuko da. Goizean, ipar-mendebaldetik sartuko da haizea; egunak aurrera egin ahala, ahuldu egingo da, eta norabide aldakorreko haize ahula ibiliko da azken orduetan. Tenperaturak berdin jarraituko du.
Asteazkenean, hego-haizeak tenperatura igo eta zerua garbituko du, baina hotz handiagoa eta euria espero dira ostegunerako eta ostiralerako, ekialdeko haizearen eraginez.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Hotza
Igande goizaldea oso hotza izan da Euskal Herriaren luze-zabal osoan, eta zeropeko tenperaturak izan dira puntu batzuetan. Nafarroan eta Araban izan dira hotzenak. Hala, Erremendian -8 ºC-ra jaitsi da tenperatura, Aurizperrin -6 ºC-ra, Etxarri Aranatzen -2,6 ºC-ra eta Iruñean eta Tuteran 0 ºC-ra. Araban, Bernedon eta Erroitegin -2 ºC-koa izan da tenperatura minimoa, eta -1 ºC-koa Kanpezun. Nafarroa Beherean, berriz, Urepelen -1 ºC-ko tenperatura egon da goizaldean.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.