Osakidetzak 17:00etara aurreratuko du anbulatorioen itxiera ordua abenduko zubitik urtarrilaren 7ra bitartean
Osakidetzako lehen mailako arretako zentroen itxiera hiru orduz aurreratuko da Eguberrietan, 17:00etara, eta kasu "oso puntualetan" 15:00etara, abenduko zubitik urtarrilaren 7ra arte, hain zuzen. Ordutegi horretatik kanpo, Etengabeko Arretako Guneetan (EAG) soilik emango da arreta.
Osakidetzak azaldu duenez, anbulatorioen ordutegien "egokitzapen" horren helburua da langileen "atsedena erraztea", baina baita "osasun-zerbitzuaren mantentzea bermatzea" ere. "Jasangarritasunean eta baliabide publikoen erabilera eraginkorrean oinarritutako neurria da", gaineratu du ohar batean.
Oro har, osasun-zentroak 8:00etatik 17:00etara irekiko dira, eta "oso salbuespenezko kasuetan bakarrik" 15:00etara mugatuko da arreta-ordutegia.
Etengabeko Arretako Guneei dagokienez, Osakidetzak zehaztu du gehienetan ez dagoela aurreikusita aldaketarik egitea ohiko zerbitzuari edo irekitzeko eta ixteko ordutegiei dagokienez. Hala ere, zehaztu du EAGren bat oraindik baieztatu gabe dagoela Eguberrietako egun jakinetan izango diren hutsuneak eta guardiak estali diren.
Osakidetzak ziurtatu duenez, osasun-arreta "ehuneko ehunean bermatuta dago Eguberrietan", anbulatorioen irekiera-ordutegitik kanpo "uneoro" Etengabeko Arretako Guneetara joan ahal izango delako.
Osakidetzak argitaratutako ordutegien laburpenean adierazten denez, halaber, tamaina txikiagoko osasun zentroak eta gune txikietako anbulatorioak itxita egongo direla zubian eta Gabonetan. Kasu batzuetan, gainera, itxita egongo dira jaiegun guztietan, eta, beste batzuetan, aldiz, egun jakinetan.
Herritarrek ordutegi-aldaketak kontsultatu ahal izango dituzte Osakidetzaren webgunean eta erreferentziazko osasun-zentroen kanpoaldean jarritako informazio-karteletan, eta, landa-eremuen kasuan, baita udaletan ere.
Ordutegi-doikuntza horiek joan den ostegunean jakinarazi zitzaizkien sindikatuei Osasun Arloko Mahai Sektorialean. Hitzorduaren ostean, ELAk ordutegien murrizketa iazkoa baino handiagoa zela kritikatu zuen, eta lanpostu hutsak betetzeko eta Lehen Mailako Arretako plantilla handitzeko neurriak eskatu zituen, ordutegiak murrizten, zentroak ixten eta aparteko orduak ordaintzea planteatzen jarraitu beharrean.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira furgonetetan presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.