Jaiotza-baimenak 20 astera luzatuko dituzte, eta 8 astekoa, seme-alaben hazkuntzarako, ordaindua izango da
Eskubide Sozial, Kontsumo eta 2030 Agendaren ministroak, Pablo Bustinduyk, konpromisoa hartu du 2024an familien legea onartzeko eta neurri batzuk abian jartzeko, hala nola jaiotzagatiko baimenak 16 astetik 20ra luzatzea eta zortzi asteko baimen berriaren ordainsaria gurasoentzat, seme-alabek 8 urte bete arte.
Kontsumoari dagokionez, ministroak Bezeroen Arretarako Zerbitzuen Legea onartzea jarri du helburutzat datorren urterako. Lege horrek bezeroen itxaronaldiak gehienez 15 egunera murriztuko ditu erreklamazioetan, eta gehienez 3 minutura telefono bidezko kontsultetan.
Bustinduyk bere lantaldearen kargu-hartze ekitaldian egin ditu iragarpen horiek: Rosa Martinez Gizarte Eskubideen Estatu idazkaria, Ruben Baz Ministerioko idazkariordea, Bibiana Medialdea Kontsumo eta Joko idazkari nagusia, Ricardo Molero kabineteko zuzendaria, Daniel Arribas Kontsumoko zuzendari nagusia eta Paula Fernandez 2030 Agendako zuzendari nagusia.
"Konpromiso publikoa da familien legearen onarpenean azkar aurrera egitea", ziurtatu du ministroak, zor historiko bat kitatzeko eta familia mota guztiak juridikoki aitortzeko, eskubideetan irabaziko dutelako eta "gizarte-babesean, kontziliazioan eta ongizate-politiketan jauzi kualitatiboa" delako.
Bustinduyk nabarmendu du zortzi asteko baimenak ordaindu behar direla 8 urtera arteko adingabeak zaintzeko. Ministroaren konpromisoa, gobernu-akordioa eta Europako Parlamentuaren zuzentarau bat betez, 2024an zortzi asteetatik lau ordaintzen hastea da.
Ministerioaren asmoa familien legea ahalik eta eperik laburrenean aurrera eramatea da, eta hainbat bide aztertzen ari da. Nolanahi ere, legea onartzeko epeak uztailetik aurrera luzatzen badira, ez da baztertzen jaiotza-baimenen asteak luzatzeko neurriak eta orain arte ematen ez ziren baimenen ordainsariak, errege-dekretu bidez, bereizita aurrera ateratzeko aukera.
Zure interesekoa izan daiteke
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli ahal izan dira
Suhiltzaileen Zerbitzuak ikuskapen hegaldi bat egin du 08:00ak aldera: sua ez dago kontrolatuta, ezta egonkortuta ere. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nafarroako Gobernuak nekazaritza jarduerak mugatu ditu lehorreko lurretan ostiraletik aurrera, sute-arriskua dela eta
Ezkaba mendiaren inguruan ostegunean piztutako sute handiaren ondorioz hartu dute erabakia. Izan ere sute horretan, zazpi parketako suhiltzaileen laguntza behar izan da, eta Nafarroako Foru Erkidegoan sua itzaltzeko dauden baliabide guztiak bideratu behar izan dituzte bertara, larrialdiko eta babes zibileko ekipoak tenkatzear eraginez.
Oinezko batzuei eraso egin ostean Santurtziko Udaltzaingoak zauritu zuen gizon bat hil da
Gizona ospitalera eraman zuten astelehenean Poliziaren esku-hartze baten ondorioz, hainbat pertsonari eta bertara joan ziren agenteei eraso egin ondoren. Gizona bi egun geroago hil da ospitalean.
Gaur hasiko da udako trafikoko operazio berezia, eta nazioarteko zikulazioan 2,27 milioi ibilgailuk EAE zeharkatzea espero da
Uda honetan, nazioarteko eta barruko joan-etorriak areagotzea aurreikusten da, eta, horregatik, neurri bereziak hartuko ditu Eusko Jaurlaritzak, trafikoaren kudeaketa hobetu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Ezkabarteko sutea berpiztu egin da egonkortuta egon ostean
SOS Nafarroak jakinarazi duenez, ez dute oraindik egonkortzea lortu. 17:40 inguruan piztu da, eta haizearen ondorioz, berehala zabaldu da.