Donostiako noria berriro ireki dute, segurtasuna egiaztatu ondoren
Donostiako noria ostiral arratsaldean ireki dute berriro, Udalak segurtasun- eta ebakuazio-proba guztiak egin ostean. 67 pertsona erreskatatu zituzten ostegunean matxura baten ondorioz noriatik jaitsi ezinik geratu ostean.
Iñigo Olaizola Donostiako Sustapeneko zuzendariak gaur azaldu duenez, elektrobalbula batek huts egin zuelako gertatu zen matxura, inguruko gazitasunak eraginda, antza, noria Alderdi Ederreko lorategietan baitago, itsasoaren ondoan.
Hasiera batean, atrakzioaren jabeek pieza berri bat eskatu zioten Alemaniari, eta konpontzeko "pare bat egun" beharko zutela aurreikusi zuten, baina Gipuzkoako hiriburutik "gertu" lortu dute azkenean. Horri esker, gaur goizean egin dituzte segurtasun- eta ebakuazio-probak, suhiltzaileak eta udaltzainak bertan zirela, Olaizolak azaldu duenez.
Egiaztapenak egindakoan, Udalak kontratatutako segurtasun-enpresaren eta larrialdi-zerbitzuen txostenak jaso eta gero, noria berriro jarri ahal izan dute martxan.
Olaizolaren hitzetan, piezak huts egin zuenean gelditu zen noria, eta langileak ez zuen "eskuzko sistema aktibatu", horrekin biraka jarraitzeko moduan bazegoen ere. Azaldu duenez, "urduri samar jarri zen eta suhiltzaileei deitu zien zuzenean".
Olaizolaren arabera, antsietate-estutasun kasu bat kenduta, ez zen inolako gorabeherarik izan erreskatatutako pertsonekin, eta eskerrak eman dizkie Donostiako Suhiltzaileei, Udaltzaingoari eta Babes Zibilari, operazioa "azkarra, eraginkorra eta garbia" izan zelako, eta barkamena eskatu die ezbeharra izan zuten erabiltzaileei.
Urtarrilaren 31ra arte Donostian egongo den norian ibiltzeko errezeloren bat dutenei, Olaizolak esan die Udalak ez duela martxan jartzen utziko "den-dena erabat berrikusita egon arte, eta, beraz, irekitzen den unean, segurtasun-baldintza guztiak beteko dira".
Albiste gehiago gizartea
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.