Kateak behar dira Opakua mendatean, lehen izozteak eta elurteak direla eta
Arabako zenbait mendate itxi dituzte igande goizean zirkulaziorako, goizaldean egindako izotza eta pilatutako elurra dela eta. Ordu honetan, kateak behar dira Opakua mendatean, eta arreta handiz ibili behar da ondorengo mendate hauetan: Aiurdin, Andatzarrate, Arazeta, Barazar, Bernedo, Herrera, Urduña eta Urto.
Horrez gain, zenbait errepidetan, Altuben, Gasteizerako noranzkoan, eta Nafarroa eta Gasteiz arteko tartean, esaterako, kontuz ibiltzeko gomendatu dute.
N-1 errepidean, Etzegaraten, eta N-240 errepidean, Barazarren, besteak beste, elurra kentzeko makinak lanean ari dira, elurra eginez gero zirkulazioa errazteko.
Gainera, gaur goizean, bi pertsona erreskatatu dituzte Zuian, Altube ibaira erori ostean, Segurtasun Sailak jakitera eman duenez.
Istripua 08:45 aldera jazo da, A-2522 errepidean, ibilgailua bidetik atera eta ibaira erori denean.
Goizean goiz, Bernedo eta Herrera mendateak itxita egon dira ibilgailuen zirkulaziorako. Halaber, kateak behar izan dira Opakuan, Azazetan eta Herreran, Eusko Jaurlaritzako Trafiko Zuzendaritzak jakinarazi duenez.
Nolanahi ere, Euskal Autonomia Erkidegoko errepideen sare nagusia irekita dago, eta inolako arazorik gabe ibil daiteke tarte gehienetan.
Nafarroan, berriz, azken orduetan izandako prezipitazioek eta elurteek oztopo ugari eragin dituzte errepidean. A-15 errepidean, Leitzarango autobidean, bost auto-istripu egon dira.
Hori dela eta, errepideetako joan-etorrietan kontuz ibiltzeko eskatu die Nafarroako Gobernuak herritarrei, bereziki iparraldean eta erdialdean, igande goizean elur-kota 800 metrora jaitsi daitekeelako.
Eguraldiaren iragarpenaren arabera, zerua hodeitsu egongo da gaur Nafarroan, eta euria egingo du, batez ere Nafarroako iparraldean. Halaber, elur-kota 600 metrora jaitsiko da arratsaldean.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.