Jaurlaritzak jaiotza-baimenak 20 astera luzatzea aztertuko du, Espainiako Gobernuak iragarritakoari jarraiki
Eusko Jaurlaritzak "mahai gainean" du haurren jaiotzagatik emandako guraso baimena 20 astera luzatzeko aukera. Gaur-gaurkoz, 16 astekoa da sektore pribatuan, eta 18 astekoa EAEko administrazio publikoan, baina Pablo Bustinduy Espainiako Gobernuko Eskubide Sozial, Kontsumo eta 2030 Agendaren ministroak bi aste gehiago emateko (20 asteko guraso baimena, alegia) konpromisoa agertu du berriki.
Hala iragarri du Jonan Fernandez Trantsizio Sozialaren eta 2030 Agendaren idazkari nagusiak gaur, Radio Euskadiko "Boulevard" saioan egin dioten elkarrizketa batean. Azaldu duenez, Jaurlaritzak asmoa zuen 2024an baimenok 18 astera luzatzeko dekretu bat argitaratzea. Dena dela, Bustinduyk egindako iragarpenaren ondotik, Jaurlaritzak ere aukera hori aztertuko du. "Proiektua zertan den, zein irismen duen, eta non aplikatuko duten ezagutzen dugunean, Jaurlaritzaren dekretua bide horretan doitu dezakegun ikusiko dugu". Hala, legegintzaldia amaitu baino lehen onartzeko "astia" izango dutelakoan dago.
Bestalde, 3 urte baino gutxiagoko haurrengatik hilero ematen ari diren 200 euroko laguntzak izan ditu hizpide. Fernandezek aitortu du urtarrilean "atzerapenen bat" izan dela ordainketan, "urte berriarekin, aurrekontua eta partidak aldatzen direlako", baina ziurtzat jo du "gaur ez bada, datozen egunetan" jasoko dutela gurasoek dirulaguntza. Zehaztu duenez, martxotik 59.000 eskaera onartu dituzte, eta guztira, 93 milioi euro bideratu dituzte laguntzok emateko.
Azkenik, Espainiako Gobernuak osasun zentroetan maskara derrigortu duela eta, pandemia garaian LABIren batzorde teknikoko burua izandakoa Gotzone Sagardui Osasun sailburuaren jarrerarekin lerrokatu da. Fernandezen hitzetan, Ministerioaren "moduak" ez dira egokienak izan, eta gogorarazi du "osasun arloan autonomia erkidegoen eskuduntza" dela.
Zure interesekoa izan daiteke
Insaustik airean utzi du 2030eko Munduko Futbol Txapelketarako Donostiaren hautagaitza: “Bere ondorioak aztertu behar dira”
Alkateak “zuhurtziaz eta zorroztasunez” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiako hautagaitzaren aldeko babes irmoagoa eskatu du.
Maialen Mazonen hilketagatik akusatutako gizonak deklaratzeari uko egin dio epaiketan
“Uste dut ondoezik nagoela eta ezin dudala deklaratu”, azaldu dio epaileari. Akusatuak deklaraziorik ez egitea erabaki du, epaiketako etenaldi batean defentsarekin hitz egin ostean.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).