Gizonen % 44k uste dute berdintasunaren sustapena "urrunegi" joan dela eta orain eurak direla baztertuak
Gizonen % 44k uste dute gizon eta emakumeen arteko berdintasunaren aldeko politikak hain urrun joan direla, ezen orain gizonak beraiek direla baztertuta daudenak. Iritzi hori erabat okerra dela esan dute emakumeen % 65,5ek, eta % 67,2ren arabera, gizonen eta emakumeen arteko ezberdintasunak "oso handiak edo nahiko handiak" dira.
Espainiako CIS inkesta-etxeak gaur kaleratutako inkestaren ondorio nagusienetakoak dira. 'Gizonen eta emakumeen arteko berdintasunari buruzko pertzepzioak eta genero-estereotipoak' goiburupean, gaiari buruzko lehendabiziko inkesta monografikoa plazaratu du gaur erakunde horrek. Iazko azaroan egin zen iritzi-bilketa, 16 urtetik gorako 4.005 pertsona elkarrizketatuta.
Genero-estereotipoei dagokienez, galdetutakoen % 66,5en iritziz, pornografia ikustea "gizonen kontua da, emakumeena baino gehiago", eta % 84,9rentzat ordainpeko sexu-harremanak izatea ere gizonen kontua da, batez ere.
Bestalde, inkestan parte hartu duten hamar emakumetatik zortzik esan du berdintasunik ez dela izango, gizonak emakumeen eskubideen aldeko borrokan murgiltzen ez diren bitartean. Gizonen % 48,2k partekatzen dute iritzi hori.
Egungo egoera duela hamarkada batekoarekin alderatuta, gizonen % 70,7k uste dute ezberdintasunak murriztu egin direla, eta iritzi berekoak dira emakume gehienak ere, % 67. Halere, hamarretik bik irizten dio egoera orain hamar urteko berbera dela.
Berdintasunaren sustapena urrunegi joan dela dioten gizon gehienak (% 60,6) aitortu dute azken hauteskunde orokorretan Voxi eman ziotela botoa, eta % 29,2k, Alderdi Popularrari.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.