Negu gorritik udaberri girora
Asteburuan Euskal Herri osoan izan dugun hotz handia atzean utziko dugu hego-haizeari esker, eta tenperaturak 20 ºC ingururaino iritsiko dira puntu batzuetan, zeru eguzkitsuek lagunduta.
Gaur, hodei gehiago ikusiko ditugu zeruan, eta isurialde atlantikoan nabarmen igoko da tenperatura. Zerua hodei gutxirekin egongo da orokorrean, behe-hodei batzuekin goizeko lehen orduetan isurialde atlantikoan, eta arratsaldean eta gauean erdi-mailako hodeiekin eta goi-hodeiekin. Hegoaldeko haizea harrotu egingo da gauean, bolada gogorrekin haizeguneetan. Nahiz eta egunsentian hotz egin, tenperatura maximoak nabarmen igoko dira, bereziki ipar isurialdean, 15-16 ºC inguruko balioekin.
Astelehenean, hodei gehiago ikusiko ditugu. Kantauritik pasatuko den fronte baten muturrak hodeiak ekarriko ditu, bereziki arratsaldean eta gauean, eta orduan euri txikia egin dezake han-hemenka, bereziki kostaldean. Hegoaldean, orokorrean, zerua hodei gutxirekin egongo da. Hego-mendebaldeko haizea nagusituko da, eta zakar ibiliko da haizeguneetan. Arratsaldean, mendebal-ipar-mendebaldera egingo du, tenperaturak igo egingo dira (batez ere minimoak), eta Araba eta Nafarroako tokiren batean soilik egingo du izotza.
Asteartean, udaberri giroa, eguraldi argiarekin eta tenperaturaren igoerarekin. Isurialde atlantikoko hodeiak desagertu egingo dira goizean, eta giro eguzkitsua gailenduko da, goi-hodei batzuekin. Hegoaldean, goizean goizetik egongo da eguzkitsu, nahiz eta egunean zehar goi-hodei batzuk agertu. Hegoaldeko haizea ibiliko da, eta tenperaturak igo egingo dira: balio altuenak 18 ºC ingurukoak izango dira isurialde atlantikoan, eta 14-15 ºC-ren bueltakoak, barnealdean.
Asteazkenetik aurrera, hego-haizea eta giro eguzkitsua nagusituko dira.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.