25 hilabeteko zigorra berretsi diote rapero bati Iruñeko Udaltzaingoari bere abestietan mehatxu egiteagatik
Nafarroako Auzitegiko Bigarren Sekzioak berretsi egin du rapero bati ezarritako 25 hilabeteko kartzela-zigorra, Iruñeko Udaltzaingoari bere letretan mehatxuak egiteagatik.
Epaiak frogatutzat jotzen du epaituak zabaldutako abesti askotan "indarkeria sustatzen dela eta harreman eta bizikidetza sozialerako indarkeria modu normal gisa erabiltzea justifikatzen dela".
Epaileen ustez, abestiaren testutik bertatik mehatxua ondorioztatzen da: "munipa baten semea hiltzea" abestian agertzen den esamoldea "errepikatzeagatik leloa dirudi" eta "erasorako moduak edo bitartekoak deskribatzen dituen esaldiak ditu".
Raperoa oso ezaguna da 14 eta 20 urte bitarteko gazteen artean, bai Iruñean, bai Espainian, sare sozialetan zabaltzen dituen edukiengatik. Nafarroako Justizia Auzitegi Nagusiak jakinarazi duenez, auzipetuak, Black Marfil izenarekin, 2017ko martxoaren 31n kontu bat ireki zuen YouTuben, eta bertan bere bideoak eskegi zituen, doako sarbide librearekin. Epaia eman zenean, 20.100 harpidedun eta 2.128.093 bistaratze zituen. Gainera, Instagrameko kontuak 22.600 jarraitzaile zituen.
2018ko uztailaz geroztik, Iruñeko Udaltzaingoak hainbat aldiz esku hartu behar izan du akusatuarekin, borrokengatik eta mehatxuengatik. Ebazpen judizialaren arabera, "armak atzeman zizkioten eta talde kriminaleko kide izatea egotzita ikertu zuten".
2022ko abenduan, Iruñeko Zigor arloko 3 zenbakiko Epaitegiak 25 hilabeteko kartzela-zigorra ezarri zion erruztatuari, baldintzarik gabeko mehatxu kolektiboen delitu bat egotzita. YouTubeko bere kanala ixtea eta 3 urteko epean beste bat sortzeko debekua ere ezarri zitzaion.
Defentsak aurkeztutako errekurtsoa bere osotasunean ezetsi du Nafarroako Auzitegiko Bigarren Sekzioak, eta "zuzena, koherentea eta nahikoa" iritzi dio instantziako epaileak azaldutako argudioari.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.