Alvesek bortxatu egin zuela berretsi du biktimak epailearen aurrean
2022ko abenduaren 30ean, Bartzelonako Sutton diskotekako komunetako batean, Dani Alvesek bortxatu egin zuela berretsi du epailearen aurrean biktimak, ia ordu eta erdi iraun duen deklarazioan.
Alvesen kontrako sexu-erasoaren salaketa jarri zuen egunetik esandakoa hitzez hitz berretsi du emakumeak: sexu-erasoa egin ziola, indarkeria eta mespretxuzko jarrera erabilita, diskotekako komunetako batera berarekin sartzera behartu ondoren.
Gaur hasi da Alvesen kontrako epaiketa Bartzelonako Auzitegian. Lehendabiziko saioan, besteak beste, biktimak eta erasoaren egunean harekin zegoen lagunetako batek deklaratu dute. Biktimak segurtasun neurri zorrotzekin deklaratu du, haren irudia eta ahotsa inork grabatu ez zitzan. Esquadra Mossoek lagunduta egon da une oro.
Biktimaren lagunak, bere aldetik, kontatu du erasoaren egunean "negar-zotinka" atera zela komunetik emakumea, Alvesek "min handia" egin ziola esanez. Hasieran, salaketa jartzea ere ez zuela nahi erantsi du, "inork ez ziola sinistuko" uste zuelako.
Halaber, biktimaren lagunak esan du eurekin ere jarrera oso desegokia izan zuela futbolariak.
Sexu-erasoa egotzita, auzipetuen aulkian eseri da gaur Alves. Fiskaltzak bederatzi urteko espetxe-zigorra eskatzen du harentzat, eta akusazio partikularrak, berriz, hamabikoa. Asteazkenean deklaratuko du.
Aurretiazko eginbideetan, epaiketa bertan behera uztea eskatu du futbol jokalariaren abokatuak, aurretik egin zaion "epaiketa paralelo" batean "ikertu" zutela eta "bere eskubideak urratu" zituztela argudiatuz.
Zure interesekoa izan daiteke
Berriro itzali dute Derioko sutea, Loiuko aireportutik gertu berpiztu zena
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean ari dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.